दिलासादायक! दररोज वाढणाऱ्या रुग्णसंख्येत घट

दररोज वाढणाऱ्या कोरोनाबाधित (COVID19 ) रुग्णांच्या संख्येत रविवारी घट पाहायला मिळाली आहे. चार लाखांनी वाढणारी रुग्णसंख्यांमध्ये मोठी घट पाहायला मिळाली. केंद्रीय आरोग्य मंत्रालयानं (Union Health Ministry) सोमवारी दिलेल्या माहितीनुसार, रविवारी देशात तीन लाख 66 हजार 161 नवीन रुग्ण आढळले आहेत. बुधवार ते शनिवार लागोपाठ चार दिवस दररोज 4 लाखांपेक्षा जास्त कोरोना रुग्ण आढळले होते. आज, रविवारी देशातील कोरोना रुग्णांच्या संख्येत घट पाहायला मिळाली.

केंद्रीय आरोग्य मंत्रालयानं (Union Health Ministry) दिलेल्या माहितीनुसार, रविवारी देशात तीन लाख 66 हजार 161 नवीन रुग्ण आढळले आहेत. तर तीन लाख 53 हजार 818 रुग्णांनी कोरोनावर मात (discharges) केली. याच कालावधीत तीन हजार 754 रुग्णांचा मृत्यू झालाय. देशातील एकूण कोरोनाबाधित रुग्णांची संख्या (Total cases) दोन कोटी 26 लाख 62 हजार 575 इतकी झाली आहे. देशात आतापर्यंत एक कोटी 86 लाख71 हजार 222 रुग्णांनी कोरोनावर मात (Total discharges) केली आहे. याच कालावधीत देशात आतापर्यंत दोन लाख 46 हजार 116 जणांचा कोरोनामुळे (Death toll) झालाय. देशात सध्या 37 लाख 45 हजार 237 रुग्ण उपचाराधीन (Active cases) आहेत.

महाराष्ट्रपासून जम्मूपर्यंत कोलकातापासून केरळपर्यंत विविध राज्यात लॉकडाउनस, कर्फ्यू, संचारबंधी आणि निर्बंध लावण्यात आले आहेत. देशातील 80 टक्के राज्यात निर्बंध लावण्यात आलेले आहेत. त्यामुळेच कोरोना रुग्णसंख्येत मोठी घट पाहायला मिळत असल्याचा तज्ज्ञांचा अंदाज आहे.