जम्मू-काश्मीरातील गुरेझमध्ये भारतीय लष्कराचे हेलिकॉप्टर कोसळले

जम्मू-काश्मीरमधील (jammu and kashmir) गुरेझच्या तुलईल (Gurez) भागात भारतीय लष्कराचे चित्ता हेलिकॉप्टर कोसळले आहे. हेलिकॉप्टरच्या कर्मचाऱ्यांना वाचवण्यासाठी सुरक्षा दलांची शोध पथके बर्फाळ भागात पोहचली आहेत. याठिकाणी किती कर्मचारी जखमी झाले याबाबात अजून कोणतीही माहिती समोर आली नाही. हेलिकॉप्टर कोसळल्याची घटना समेर आल्याची माहिती संरक्षण अधिकारी यांनी दिली आहे.

मिळालेल्या माहितीनुसार, उत्तर काश्मीरमधील बांदीपोरा जिल्ह्यातील गुरेझच्या तुलईल भागात आज (ता.११) दुपारी लष्कराचे हेलिकॉप्टर गुजरन नाल्यात कोसळले. यानंतर त्याठिकाणी तातडीने बचाव कार्य सुरु करण्यात आल्याची माहिती अधिकाऱ्यांनी दिली आहे.

पायलट आणि सह पायलट सुरक्षितपणे बाहेर पडले आहेत. मात्र लष्कराच्या हेलिकॉप्टरशी संपर्क तुटला आहे. घटनेच्या ठिकाणी संपर्क करण्याचा प्रयत्न सुरु असल्याचे एसडीएम गुरेझ यांनी सांगितले.