INS Vikrant: नौदलाचा नवा ध्वज छत्रपती शिवाजी महाराजांना अर्पण; महाराष्ट्राची छाती ५६ इंच फुलली!

INS Vikrant New naval Ensign
INS Vikrant New naval EnsignSakal

पंतप्रधान नरेंद्र मोदी यांनी आज भारतीय नौदलाच्या नव्या ध्वजाचं अनावरण केलं. भारतीय बनावटीची पहिली युद्धनौका आयएनएस विक्रांतच्या उद्घाटनावेळी केरळमधल्या कोचीमध्ये पंतप्रधान मोदी बोलत होते. यावेळी आपण गुलामीतून मुक्त झाल्याची भावना पंतप्रधान नरेंद्र मोदी यांनी यावेळी व्यक्त केली आहे. या ध्वजाचं छत्रपती शिवाजी महाराजांशीही एक खास कनेक्शन आहे. (INS Vikrant)

INS Vikrant New naval Ensign
INS Vikrant: नौदलाचा नवा ध्वज छत्रपती शिवाजी महाराज यांना अर्पण- PM मोदी

पंतप्रधान नरेंद्र मोदींनी कोचीमध्ये नौदलाच्या नव्या ध्वजाचं अनावरण केलं. हे करत असताना त्यांनी हा नवा ध्वज नौसेनेचे जनक छत्रपती शिवाजी महाराजांना समर्पित केला आहे. सध्याच्या ध्वजामध्ये सेंट जॉर्जचा क्रॉस लावण्यात आला होता. तसंच एका कोपऱ्यामध्ये तिरंगाही लावण्यात आला होता. मात्र जुन्या ध्वजामध्ये तिरंग्याऐवजी युनियन जॅक लावण्यात आला होता.

INS Vikrant New naval Ensign
INS Vikrant : नौदलात उद्या दाखल होणार पहिली 'मेड इन इंडिया' विमानवाहू युद्धनौका; ही आहेत वैशिष्ट्ये

स्वातंत्र्यानंतर म्हणजे १५ ऑगस्ट १९४७ नंतर भारतीय सुरक्षा दलांनी ब्रिटीश कालीन ध्वजच पुढे ठेवले होते. त्यानंतर २६ जानेवारी १९५० रोजी पहिल्यांदा या ध्वजामध्ये बदल झाले. त्यामध्ये युनियन जॅकऐवजी तिरंगा लावण्यात आला होता. सेंट जॉर्ज यांचा रेड क्रॉस मात्र तसाच होता. त्यानंतर ठराविक काळानंतर दोनवेळा या ध्वजात बदल करण्यात आले. २०१४ मध्ये या ध्वजामध्ये सत्यमेव जयते ही ओळही लिहिण्यात आली होती.

INS Vikrant New naval Ensign
INS Vikrant : छत्रपती शिवाजी महाराजांनी सागरी शक्तीच्या बळावर नौदलं उभारली अन्..; मोदींनी सांगितली भारताची ताकद

या नव्या ध्वजामधून मात्र ब्रिटीशांच्या सर्व खुणा हटवण्यात आल्या आहेत. आता या ध्वजावर संपूर्णपणे भारतीय छाप असल्याची भावना पंतप्रधान नरेंद्र मोदी यांनी व्यक्त केली आहे. हा नवा ध्वज आपण भारतीय नौदलाचे जनक छत्रपती शिवाजी महाराजांना समर्पित करत असल्याचंही मोदींनी सांगितलं आहे. भारतीयत्वाच्या भावनेने ओतप्रोत हा नवा ध्वज सेनेचं आत्मबल आणि आत्मसन्मानाला नवी उर्जा देईल, असंही मोदी म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com