यासिन मलिकला टेरर फंडिंग प्रकरणात शिक्षा सुनावण्यापूर्वीच काश्मीरमध्ये सुरक्षा व्यवस्था वाढवण्यात आली आहे. यासोबतच श्रीनगरमध्ये इंटरनेट सेवाही बंद करण्यात आली आहे. यासीन मलिकला एनआयए कोर्टाने टेरर फंडिंग प्रकरणात जन्मठेपेची शिक्षा सुनावली आहे. यासोबतच मलिकला 10 लाख रुपयांचा दंडही ठोठावण्यात आला आहे.
अधिकार्यांनी सांगितले की, लाल चौकातील काही दुकानांसह मैसुमा आणि लगतच्या भागात बहुतांश दुकाने बंद राहिली. जुन्या शहरातील काही भागात दुकाने बंद राहिली, परंतु सार्वजनिक वाहतूक सामान्य राहिली, असे अधिकाऱ्यांनी सांगितले. कायदा व सुव्यवस्थेचा प्रश्न निर्माण होऊ नये म्हणून शहरात मोठ्या प्रमाणात सुरक्षा दल तैनात करण्यात आले असल्याचे त्यांनी सांगितले.
दिल्ली न्यायालयाने 19 मे रोजी बंदी घातलेल्या जम्मू आणि काश्मीर लिबरेशन फ्रंट (JKLF) चा प्रमुख यासिन मलिक याला UAPAअंतर्गत दोषी ठरवले होते. त्याने एनआयए अधिकाऱ्यांना मलिकच्या आर्थिक स्थितीचे आकलन करून त्याच्यावर दंड ठोठावण्याचे निर्देश दिले होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.