प्रेमाचा करुण अंत! लोखंड कापयच्या यंत्रांनं पत्नीचे पन्नास तुकडे; पोलिसांनी सांगितलं कारण

Sahibganj Rabita pahadin Murder Case
Sahibganj Rabita pahadin Murder Case

Sahibganj Rubika Murder Case : झारखंडच्या साहिबगंज जिल्ह्यात पत्नीच्या निर्घृण हत्येप्रकरणी पोलिसांनी शनिवारी (17 डिसेंबर) दिलदार अन्सारी नावाच्या व्यक्तीला अटक केली. मिळालेल्या माहितीनुसार, पीडितेची ओळख पटली असून तिचे नाव रूबिका पहारिया (वय 22) असल्याचे समोर आले आहे. साहिबगंजमधील बोरीओ संथाली भागातील अंगणवाडी केंद्राच्या मागे पीडितेच्या मृतदेहाचे 12 तुकडे आढळून आल्याने ही बाब उघडकीस आली होती.

शनिवारी सायंकाळी अंगणवाडी केंद्राच्या पाठीमागे एका व्यक्तीने महिलेच्या पायाचे व छातीचे कापलेले तुकडे कुत्री खात असताना पाहिल्याने ही घटना उघडकीस आली. पोलिसांनी आरोपी पती दिलदार अन्सारी याला अटक केली आहे. आता ही घटना समोर आल्यानंतर पोलिसांचे वक्तव्यही समोर आले आहे. दिलदारने ही हत्या का केली? याबद्दल पोलिसांनी माहिती दिली आहे.

पोलिसांनी सांगितले हत्येचे कारण

डीआयजी सुदर्शन प्रसाद मंडल यांनी सांगितले की, रुबिका ही दिलदार अन्सारीची दुसरी पत्नी होती, त्याला आधीच एक पत्नी होती. यावरून त्यांचा वाद झाला. यामुळे त्यांनी तिची हत्या करून त्याचे तुकडे केले. तपासात तिच्या पतीचा सहभाग समोर आला आहे.

Sahibganj Rabita pahadin Murder Case
बॉम्बस्फोटातील आरोपी कर्नल पुरोहितांच्या पुस्तकावरून वाद; SP कॉलेज परिसराला छावणीचं स्वरुप

हत्येनंतर मृतदेहाचे 50 हून अधिक तुकडे करून वेगवेगळ्या ठिकाणी फेकल्याचा पोलिसांना संशय आहे. पोलिसांनी आतापर्यंत 12 तुकडे जप्त केले आहेत. दिलदार अन्सारी याने दीड महिन्यापूर्वी रुबिकासोबत दुसरे लग्न केले होते. हे जोडपे 2 वर्षांपासून लिव्ह-इन रिलेशनशिपमध्ये राहत होते. एवढेच नाही तर दोन दिवसांपूर्वी दिलदारने बोरीओ पोलिस ठाण्यात पत्नी बेपत्ता झाल्याची तक्रार देखील दिली होती.

Sahibganj Rabita pahadin Murder Case
Ajit Pawar : विरोधकांचा सरकारी चहापानावर बहिष्कार, अजित पवारांनी सांगितलं कारण; म्हणाले..

काय आहे प्रकरण?

साहिबगंज येथील दिलदार अन्सारी याच्यावर आपली 22 वर्षीय पत्नी रुबिका पहाडी हिचे कटरने बारा तुकडे केल्याचा आरोप आहे. मयत रुबिका पहाडी ही पती दिलदार अन्सारीसोबत बेलटोला येथे प्रेमविवाह करून राहात होती. लग्नानंतर काही दिवसांनीच दिलदारचे पत्नीशी भांडण सुरू झाल्याचा आरोप आहे. अखेर भांडणाला कंटाळून त्याने धोकादायक प्लॅन केला आणि नंतर पत्नीची हत्या करून इलेक्ट्रिक कटरने तिच्या मृतदेहाचे 12 तुकडे केले. त्यानंतर अंगणवाडी केंद्राच्या मागे फेकले.

कुत्रे शरीराचे भाग ओढत होते

मीडिया रिपोर्ट्सनुसार, शनिवारी संध्याकाळी 6 वाजता बोरियो पोलीस स्टेशन हद्दीतील संथाली मोमीन टोला येथे असलेल्या अंगणवाडी केंद्राच्या मागे 12 तुकड्यांमध्ये महिलेचा विकृत मृतदेह सापडला. शरीराचा छिन्नविछिन्न भाग कुत्रे ओढत असल्याचे सांगण्यात आले, त्यानंतर हे प्रकरण उघडकीस आले आणि पोलिसांना कळवण्यात आले. त्यानंतर पोलिसांचा ताफा मोठ्या फौजफाट्यासह दाखल झाला. यावेळी श्वानपथकही त्यांच्यासोबत होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com