High Court : प्लास्टर ऑफ पॅरिस गणेश मूर्तींवर कडक बंदी लागू करा; उच्च न्यायालयाचे राज्य सरकारला निर्देश, पर्यावरण-जलस्रोतांवर होतोय परिणाम!

बंगळूर : कर्नाटक उच्च न्यायालयाने (Karnataka High Court) राज्य सरकारला प्लास्टर ऑफ पॅरिस (पीओपी) गणेश मूर्तींवर बंदी घालण्याच्या अधिसूचनेची गांभीर्याने अंमलबजावणी करण्याचे निर्देश दिले आहेत. ही बाब अतिशय गंभीर आहे. आम्हाला अपेक्षा आहे की, राज्याने पीओपी मूर्तींवर बंदी घालण्याचा आदेश अत्यंत गांभीर्याने अंमलात आणावा, असे मुख्य न्यायाधीश विभू बाखरू आणि न्यायमूर्ती सी. एम. जोशी यांच्या खंडपीठाने कर्नाटक राज्य प्रदूषण नियंत्रण मंडळाने (केएसपीसीबी) दाखल केलेली याचिका निकाली काढताना म्हटले.