मुस्लीम मुलींच्या हिजाबविरुध्द विद्यार्थी आक्रमक; भगवा स्कार्फ घालून कॉलेजात केला प्रवेश | Sakal
sakal

बोलून बातमी शोधा

Government Degree College

या प्रश्नावर तोडगा न निघाल्यास आगामी काळात तीव्र आंदोलन छेडण्याचा इशारा विद्यार्थ्यांनी दिलाय.

Muslim Girls : मुस्लीम मुलींच्या हिजाबविरुध्द विद्यार्थी आक्रमक

कर्नाटकातील (Karnataka) एका सरकारी पदवी महाविद्यालयाच्या (Government Degree College) व्यवस्थापनाला एका विचित्र परिस्थितीचा सामना करावा लागतोय. मुस्लीम महिला (Muslim Women) हिजाब परिधान करून कॉलेजमध्ये येण्याच्या निषेधार्थ भगवा स्कार्फ परिधान केलेल्या विद्यार्थ्यांचा एक गट कॉलेजमध्ये येऊ लागलाय. वाढता वाद पाहून कॉलेज व्यवस्थापनानं 10 जानेवारीपर्यंत सर्व विद्यार्थ्यांना स्वत: च्या मर्जीचा पोशाख परिधान करून येण्याची परवानगी दिलीय.

कर्नाटकातील बालागडी, कोप्पा (Balagadi, Koppa) येथील शासकीय पदवी महाविद्यालयाचे प्राचार्य अनंत मूर्ती (Principal Anant Murti) यांनी पीटीआयला सांगितलं की, आम्ही 10 जानेवारी रोजी पालक आणि शिक्षकांची बैठक घेत आहोत, ज्यात ड्रेस कोडबाबत सर्वांची संमती घेतली जाईल. सध्या महाविद्यालय प्रशासनानं विद्यार्थ्यांना त्यांच्या आवडीचे हिजाब आणि भगव्या रंगाचे कपडे घालण्याची परवानगी दिलीय. तीन वर्षांपूर्वी अशाच एका बैठकीत हा निर्णय घेण्यात आला होता आणि आतापर्यंत सर्वांनी त्याचं पालन केलंय. सर्व काही सुरळीत चालू होतं, पण काल ​​अचानक काही विद्यार्थी स्कार्फ घालून वर्गात आले. ते काही विद्यार्थिनींच्या ड्रेस कोडवर (Dress Code) आक्षेप घेत होते. मुस्लिम महिला हिजाब घालून कॉलेजमध्ये येत असल्याचा आरोप बी.कॉमच्या द्वितीय वर्षाचा विद्यार्थी विनय कोप्पा यानं केलाय.

हेही वाचा: शुभ मुहूर्ताच्या नावाखाली पत्नी 11 वर्षांपासून सासरी गेलीच नाही

तीन वर्षांपूर्वी कॉलेजमध्ये असाच वाद निर्माण झाला होता आणि कोणीही हिजाब घालून कॉलेजमध्ये यायचं नाही, असा निर्णय घेण्यात आला होता. मात्र, गेल्या काही दिवसांपासून काही मुस्लिम महिला हिजाब घालून कॉलेजमध्ये येत असल्याचं विद्यार्थ्यांचं म्हणणं आहे. त्यामुळं भगवा स्कार्फ घालून कॉलेजमध्ये येण्याचा निर्णय घेतला. विद्यार्थ्यानं असाही दावा केलाय की, कॉलेज प्रशासनानं मुस्लिम महिलांना कॅम्पसमध्ये हिजाब घालू नये, असं वारंवार सांगितलं होतं. परंतु, त्यांनी ते मान्य केलं नाही. या प्रश्नावर तोडगा न निघाल्यास आगामी काळात तीव्र आंदोलन छेडण्याचा इशारा विद्यार्थ्यांनी दिलाय.

हेही वाचा: Ferozepur Rally : पंतप्रधान मोदींच्या सुरक्षेत गंभीर चूक

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Karnataka
loading image
go to top