PM मोदींच्या सुरक्षेत गंभीर चूक; 'या' कारणामुळं तब्बल 15 मिनिटं ताफा उड्डाणपुलावर थांबला | Sakal
sakal

बोलून बातमी शोधा

PM Narendra Modi

पंतप्रधान मोदींचा ताफा 15 मिनिटं उड्डाणपुलावर थांबला होता.

Ferozepur Rally : पंतप्रधान मोदींच्या सुरक्षेत गंभीर चूक

पंजाबमधील (Punjab) फिरोजपूर येथील पंतप्रधान नरेंद्र मोदींच्या (PM Narendra Modi) आगमनाचा कार्यक्रम रद्द करण्यात आलाय. कार्यक्रमाच्या ठिकाणी सतत पडत असलेल्या मुसळधार पावसामुळं हा निर्णय घेण्यात आला. पीएम मोदी फिरोजपूर येथील रॅलीच्या ठिकाणी 42,750 कोटी रुपयांच्या विकास प्रकल्पांची पायाभरणी करणार होते. मात्र, पायाभरणीचा कार्यक्रम कसा पार पडणार आहे, याची माहिती अद्याप देण्यात आलेली नाही.

केंद्र सरकारच्या कृषी कायद्याविरोधात झालेल्या शेतकऱ्यांच्या आंदोलनाला सर्वात मोठं बळ पंजाब-हरियाणातून मिळालं होतं. अखेर कृषी कायदे रद्द करण्याचा निर्णय घेतल्यानंतर शेतकरी आंदोलन मागे घेण्यात आले. त्यानंतर पहिल्यांदाच पंतप्रधान नरेंद्र मोदी (PM Narendra Modi) पंजाब दौऱ्यावर होते. बुधवारी पंजाबच्या फिरोजपूर इथं त्यांची रॅली होती. मात्र, ऐनवेळी हा कार्यक्रम रद्द करण्यात आला. सुरुवातीला रॅली रद्द होण्यामागे पावसाचं कारण देण्यात आले. परंतु, आता रॅली रद्द होण्यामागे सुरक्षेचं कारण देण्यात आलंय.

हेही वाचा: मुकेश अंबानींनी 800 रुपयांत काम करणाऱ्या नीताशी का केलं लग्न?

सुरक्षेच्या कारणास्तव पीएम मोदींची फिरोजपूर रॅली रद्द (Ferozepur Rally Canceled) करण्यात आलीय. गृह मंत्रालयानं (Ministry of Home Affairs) एक निवेदन जारी करून म्हटलंय, की पंजाब सरकारकडून अहवाल मागवण्यात आलाय. दौऱ्याची सविस्तर पूर्व माहिती असतानाही अशी चूक होणं गंभीर असल्याचं त्यांनी सांगितलंय. दरम्यान, पंतप्रधान मोदींचा ताफा 15 मिनिटं उड्डाणपुलावर थांबला होता.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :PunjabNarendra Modi
loading image
go to top