आजारी वडिलांना खांद्यावर घेतलं अन् निघाला चालत...

कोल्लम (केरळ): पोलिसांनी रिक्षामधून खाली उतरवल्यानंतर आजारी वडिलांना खांद्यावर उचलून घेत चालत निघाला. संबंधित व्हिडिओ सोशल मीडियावर व्हायरल झाला आहे. केरळमधील कोल्लम जिल्ह्यामधील पुनारुल येथे एक धक्कादायक घटना समोर आली आहे.

पोलिसांनी शेवटच्या श्वसापर्यंत काळजी घेतली पण...

प्रसारमाध्यमांनी दिलेल्या वृत्तानुसार, कलाथूफूझा येथे राहणाऱ्या या ६५ वर्षीय व्यक्तीला पुनारुल तालुका रुग्णालयामधून सोडण्यात आले होते. वडिलांना घेऊन त्यांचा मुलगा रिक्षाने घरी जात होता. मात्र, घरापासून एक किलोमीटर अंतरावर पोलिसांनी त्यांची रिक्षा अडवली. यावेळी त्यांनी रुग्णालयातील सर्व कागदपत्रे पोलिसांना दाखवली. मात्र, पोलिसांनी लॉकडाऊनचे कारण पुढे करत  रिक्षा घेऊन पुढे जाऊ दिली नाही. यानंतर मुलाने आजारी वडिलांना खांद्यावर उचलून घेतले आणि चालत निघाला. वडिलांना खांद्यावर घेऊन एक किलोमीटर अंतर पार केले.

व्हायरल झालेल्या व्हिडिओमध्ये मुलाने आपल्या वयस्कर वडिलांना उचलून घेतल्याचे दिसत आहे. तर या दोघांबरोबर एक वयस्कर महिला रुग्णालयाशी संबंधित कागदपत्र आणि इतर गोष्टी घेऊन चालताना दिसत आहे. या सर्व घटनेचा व्हिडिओ सोशल मीडियावर व्हायरल झाल्यानंतर टीका होऊ लागली. केरळमधील मानवाधिकार आयोगाने याची दखल घेत या प्रकरणाची चौकशी सुरु करण्यासंदर्भात हलचाली सुरु केल्या आहेत. तर दुसरीकडे रिक्षा थांबवण्यात आली तेव्हा त्यामध्ये रुग्ण नसल्याचे पोलिसांकडून सांगण्यात आले आहे.

बैलाच्या अंत्यसंस्कारासाठी जमले तीन हजार नागरिक अन्...