UP : उपमुख्यमंत्र्यांचा मुलाचा अपघात; कारने ट्रॅक्टरला दिली धडक

उत्तर प्रदेश सरकारमध्ये दुसऱ्यांदा उपमुख्यमंत्री बनलेले केशव प्रसाद मौर्य यांचा मुलगा योगेश कुमार मौर्य यांच्या कारला जालौनमध्ये अपघात झाला. जालौन जिल्ह्यातील काल्पी कोतवाली भागातील आलमपूर बायपासजवळ हा अपघात झाला. हा अपघात शनिवारी (ता. २६) दुपारी घडला. (Keshav Prasad sons road accident)

प्राप्त माहितीनुसार, शनिवारी मध्य प्रदेशातील पीतांबरा मंदिरात दर्शनासाठी निघालेला उपमुख्यमंत्री केशव प्रसाद मौर्य यांचा मुलगा योगेश कुमार मौर्य यांच्या कारची ट्रॅक्टरला धडक (Road Accident) बसली. अपघातात कारचे मोठे नुकसान झाले आहे तर ज्या ट्रॅक्टरसह अपघात झाला त्याचेही मोठे नुकसान झाले आहे. अपघाताची माहिती मिळताच आजूबाजूच्या लोकांनी घटनास्थळी धाव घेतली.

या अपघातात केशव यांचा मुलगा योगेश थोडक्यात बचावले. यानंतर त्यांना दुसऱ्या कारमध्ये पाठवण्यात आले. चालकाला किरकोळ दुखापत झाली असून त्याला रुग्णालयात दाखल करण्यात आले आहे. जखमींना रुग्णालयात दाखल करण्यात आले आहे. जालौन जिल्ह्यात योगेश मौर्य यांच्या फॉर्च्युनर कारचा ट्रॅक्टरसोबत अपघात (Road Accident) झाला.