आपल्या जाडीदाराला द्यायला वेळ मिळत नसल्यामुळे अनेकजणांचे प्रेमसंबंध तुटतात. तर अनेकदा आपल्या आवडत्या व्यक्तीला भेटायची इच्छा असते पण जोडीदार जवळ नसल्यामुळे आपण फक्त फोनवर किंवा व्हिडिओ कॉलवर बोलू शकतो. दरम्यान, अनेकदा जोडीदाराचा किस घेण्याची इच्छा असतानाही आपला नाईलाज होतो.
दरम्यान, लाँग डिस्टन्स रिलेशनमध्ये असणाऱ्या व्यक्तीसाठी चिनी विद्यापीठाने एक शोध लावला असून किसिंग डिव्हाईस तयार केलं आहे. या माध्यमातून आपल्याला लाँग डिस्टन्स रिलेशनशिपमध्ये असतानाही किसिंगचा आनंद घेता येणार असल्याचा दावा करण्यात येत आहे.
रिमोट किसिंग डिव्हाईसमुळे वेगवेगळ्या ठिकाणी राहणाऱ्या प्रेमी किंवा जोडप्यांना त्यांच्या जोडीदाराचे चुंबन घेता येणार आहे. त्याचबरोबर तोंडाचे आजार असलेल्या लोकांनासुद्धा चुंबन घेता येणार आहे.
हे डिव्हाईस कसं काम करेल?
हे डिव्हाइस ब्लूटूथ आणि अॅपद्वारे फोनशी लिंक केले जाईल. हे डिव्हाईस फक्त फोनमध्ये प्लगईन करून कार्य करू शकते. दुसऱ्या डिव्हाईसला हे डिव्हाईस कनेक्ट करता येऊ शकत नाही. याला कंट्रोल करण्यासाठी रिमोट असेल. जोडीदाराने क्लिक केल्यानंतर या डिव्हाईसचे व्हायब्रेशन होईल आणि समोरच्या व्यक्तीला किसिंगचा आनंद घेता येईल असा दावा केला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.