LGBTQ Friendly Hotels : प्रेम करुया खुल्लमखुल्ला! समलिंगी जोडीदारासोबत कुठे जाल?

देशामध्ये अजूनही समलैंगिक संबंध सहजपणे स्विकारले जात नाहीत. आता समलैंगिक विवाहाला कायदेशीर करण्याच्या याचिकेवर सुनावणी सुरू आहे. त्यामुळे आजच्या निकालावर हे विवाह स्विकारले जातील का, या प्रश्नाचं उत्तर मिळेल.

समलैंगिक व्यक्तींना उघडपणे एकत्र येता येत नसलं, किंवा भिन्नलिंगी जोडप्याप्रमाणे वावरता येत नसलं, तरी काही अशी ठिकाणं आहेत जिथे तुम्ही आपल्या समलिंगी जोडीदारासोबत जाऊ शकता.

अनेकदा हॉटेल्समध्ये राहायचं असल्यास समलिंगी व्यक्तींना अडचणी येतात. पण आता ती काळजी राहिलेली नाही. अशी अनेक हॉटेल्स आपल्या आजूबाजूला उपलब्ध आहेत, जिथे तुम्ही आपल्या समलिंगी जोडीदारासोबत जाऊ शकता.

या हॉटेल्सची माहिती तुम्हाला स्टे अंकल (Stay Uncle) या वेबसाईटवरुन मिळू शकेल. स्टे अंकल या वेबसाईटवर अनेक असे हॉटेल्स आहेत, जिथे समलैंगिक जोडप्यांना परवानगी आहे. केवळ रुमच नव्हे, तर लव्ह कीटही इथे उपलब्ध करून दिले जाते. या लव्ह कीटमध्ये कंडोमचं पाकीट, ल्युब्रिकंट, इंटिमेट वॉश आणि चॉकलेट दिलं जातं.

सध्या पुण्यामध्ये २२ अशी हॉटेल्स उपलब्ध आहेत. तुम्ही या वेबसाईटच्या माध्यमातून दिल्ली, मुंबईसह तुमच्या शहरातली समलिंगी जोडप्यांसाठी योग्य अशी हॉटेल्स शोधू शकतात.