New Parliament Video : नव्या संसदेमध्ये झालेला लाईट लेझर शो पाहिलात का?

पंतप्रधान नरेंद्र मोदी यांच्या नेतृत्वाखाली झालेल्या उद्घाटन समारंभानंतर रविवारी संध्याकाळी नवीन संसद भवनात लाइट आणि लेझर शोचं आयोजन करण्यात आलं होतं. एएनआयने शेअर केलेल्या लेझर शोच्या व्हिडीओमध्ये लायटिंगमुळे उजळलेला संसद परिसर दाखवण्यात आला.

नवीन संसद भवनाचं उद्घाटन रविवारी सकाळी पंतप्रधान मोदी आणि लोकसभा अध्यक्ष ओम बिर्ला यांच्या हस्ते करण्यात आलं. त्यांनी या प्रसंगी हवनही करण्यात आला होता. लोकसभा चेंबरमध्ये 'सेंगोल' नावाचा ऐतिहासिक राजदंड बसवण्यात आला आहे. हा सेंगोल जो सभापतींच्या खुर्चीशेजारी ठेवण्यात आला आहे.

नवीन इमारतीत बसवण्यापूर्वी ते तामिळनाडूतील विविध अधेनाम पुजाऱ्यांनी मोदींना सुपूर्द केलं. हेच 'सेंगोल' भारताचे पहिले पंतप्रधान जवाहरलाल नेहरू यांनी १४ ऑगस्टच्या रात्री त्यांच्या निवासस्थानी, "सत्ता हस्तांतरण" चे प्रतीक म्हणून स्वीकारलं होतं.

लोकसभेच्या सभागृहात आयोजित उद्घाटन सत्रादरम्यान मोदींनी नवीन संसदेच्या संकुलात पहिलं भाषणही केलं. या उद्घाटन सोहळ्यात सत्ताधारी भाजप व्यतिरिक्त सुमारे २५ राजकीय पक्ष सहभागी झाले होते. पण, सुमारे २० विरोधी पक्षांनी या कार्यक्रमावर बहिष्कार टाकण्याची घोषणा केली आणि एक संयुक्त निवेदन जारी करून राष्ट्रपतींऐवजी पंतप्रधानांनी संसद भवनाचं उद्घाटन केल्याबद्दल आक्षेप व्यक्त केला. त्यांनी या समारंभाचा उल्लेख ‘लोकशाहीवरील हल्ला’ असा केला.