ज्ञानवापी मशिदीत 'शिवलिंग' नाहीच; सपा खासदारानं सांगितलं 'हे' कारण

Shafiqur Rahman Barq
Shafiqur Rahman Barqesakal
Summary

'इतिहासात खोलवर गेल्यास ज्ञानवापी मशिदीत 'शिवलिंग' नव्हतं हे कळेल.'

लखनौ : संभलचे (Uttar Pradesh) समाजवादी पक्षाचे खासदार शफीकुर्रहमान बर्क (Shafiqur Rahman Barq) यांनी रविवारी वाराणसीच्या ज्ञानवापी मशिदीत (Gyanvapi Masjid) 'शिवलिंग' नसल्याचा दावा केलाय. 2024 मध्ये होणाऱ्या लोकसभा निवडणुकीच्या (Lok Sabha Election) अनुषंगानं ही परिस्थिती निर्माण केली जात असल्याचा आरोपही त्यांनी केलाय. त्याचबरोबर अयोध्येत राम मंदिर बांधलं जात असलं तरी तिथं मशीद आहे, असंही बर्क म्हणाले.

सपा खासदार (SP MP) बर्क यांनी पक्षाच्या कार्यालयाबाहेर ज्ञानवापी मशिदीशी संबंधित प्रश्नाच्या उत्तरात पत्रकारांना सांगितलं की, 2024 च्या निवडणुका लक्षात घेऊन ही परिस्थिती निर्माण केली जात आहे. इतिहासात खोलवर गेल्यास ज्ञानवापी मशिदीत 'शिवलिंग' नव्हतं हे कळेल. हे सर्व चुकीचं आहे, असं त्यांनी नमूद केलंय.

Shafiqur Rahman Barq
राहुल बाबा.. इटालियन चष्मा काढा, तरच विकास दिसेल; अमित शाहांनी उडवली खिल्ली

ज्ञानवापी मशीद प्रकरणी सुप्रीम कोर्टाचे 3 पर्याय

ज्ञानवापी मशीद प्रकरणाची (Gyanvapi Masjid case) सुनावणी आता जिल्हा न्यायालय करणार आहे. सुप्रीम कोर्टाकडून (Supreme Court) ज्ञानवापीचा खटला हस्तांतरित करण्यात आलाय. हे प्रकरण प्रथम जिल्हा न्यायालयाकडे हस्तांतरित करण्यात आलंय. त्यामुळे या प्रकरणाची सुनावणी आता जिल्हा न्यायाधीश करणार आहेत. तर सुप्रीम कोर्टाने ज्ञानवापी मशीद प्रकरणी तीन पर्याय ठेवले आहेत. वाराणसी कोर्टाला सुनावणी पूर्ण करु द्या, सुनावणीपर्यंत कोर्ट अंतिम आदेश देऊ शकतं तसेच निर्णय येईपर्यंत अंतरिम आदेश लागू असेल, असे तीन पर्याय सुप्रीम कोर्टानं दिले आहेत.

Shafiqur Rahman Barq
लालू यादवांचं कुटुंब पुन्हा अडचणीत; मुलीवर 'या' घोटाळ्याप्रकरणी गुन्हा दाखल

ज्ञानवापी मशिदीच्या सुनावणीतील मुद्दे

  • ज्ञानवापी मशिदीच्या प्रकरणाची ३ न्यायाधीशांच्या बेंचकडून सुनावणी

  • ज्ञानवापी मशिदीप्रकरणी सुप्रीम कोर्टाकडून ३ पर्याय

  • वाराणसी कोर्टाला सुनावणी पूर्ण करु द्या-पहिला पर्याय

  • सुनावणीपर्यंत कोर्ट अंतिम आदेश देऊ शकतं-दुसरा पर्याय

  • निर्णय येईपर्यंत अंतरिम आदेश लागू असेल-तिसरा पर्याय

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com