इंदौर - रस्त्यावर कधी दोन गाड्यांची टक्कर झाली तर त्यांच्यात होणारा वाद ही सर्वसामान्य गोष्ट आहे. मात्र अशाच एका भांडणात एका अभियंत्याचा मृत्यू झाल्याची घटना घडली आहे. इंदौरमधील पलासियामध्ये गुरुवारी रस्त्यावर भांडण झालं. यामध्ये 32 वर्षांच्या एका अभियंत्याचा मृत्यू झाला.
रस्त्यावर गाडी धडकल्यानं कारचालक सिद्धार्थ सोनी आणि स्कूटरचालक विकास यादव यांच्यात वाद झाला आणि दोघांमध्ये लढाई हातघाईवर आली. यावेळी त्याच रस्त्यावरून एक ट्रक जात असताना भांडणात सिद्धार्थ सोनी रस्त्यावर पडले. त्यावेळी बाजूने जाणारा ट्रक त्यांच्या अंगावरून गेल्यानं सिद्धार्थ सोनी यांचा जागीच मृत्यू झाला.
इंदौरमध्ये स्मार्ट सिटी प्रोजेक्टमध्ये सिद्धार्थ काम करत होते. चार दिवसांनी त्यांच्या लग्नाचा पहिला वाढदिवस होता. इंदौरमधील बडवानी प्लाझाजवळ ही घटना घडली. जवळच असलेल्या सीसीटीव्ही कॅमेऱ्यात हा संपूर्ण प्रकार कैद झाला आहे. सीसीटीव्ही फूटेजमध्ये दिसतं की भांडण सुरू होताच दोन मिनिटातच सिद्धार्थ सोनी यांच्यासोबत विचित्र अपघात झाला.
सिद्धार्थ सोनी आणि विकास यांच्या गाड्यांची धडक एकमेकांना झाल्यानं दोघांमध्ये वाद सुरू होता. यामध्ये विकास यादव यांनी सिद्धार्थ सोनी यांना मारहाण करण्यास सुरुवात केली. त्यावेळी सिद्धार्थ सोनी हे रस्त्यावर पडले आणि तेव्हाच बाजूने येणारा ट्रक त्यांच्या अंगावरून गेला.
ट्रकचं पुढचं चाक अंगावरून गेल्यानं सिद्धार्थ सोनी यांचा जागीच मृत्यू झाला. पोलिसांनी आरोपी आणि ट्रक चालक अशा दोघांनाही अटक केली आहे. पोलिसांनी सीसीटीव्ही फूटेजच्या आधारे दोघांवरही गुन्हा दाखल केला असून पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.