दिवसभरातील महत्त्वाच्या घडामोडी वाचा एका क्लिकवर...

रायगड जिल्ह्यातल्या महाड तालुक्यातील आंबिवली गावात एक घटना घडली आहे. मोबाईलच्या बॅटरीचा अचानक स्फोट झाला. या घटनेमध्ये होवून 6 वर्षांची चिमुरडी गंभीर जखमी झाली आहे. अनिता वाघमारे असे तिचे नाव असून तिच्या तोंडाला दुखापत झाली आहे.

माळशेज घाटात मुंबई-नाशिक महामार्गावर बसची ट्रकला धडक बसून झालेल्या अपघातात 10 जण जखमी झाले आहेत.

पुण्यात गारांसह पावसाला सुरुवात झाली आहे. शहरातील पाषाण भागामध्ये सध्या जोरदार पाऊस सुरु आहे. तसेच बाणेर, औंध, विद्यापीठ परिसर आणि कोथरुडमध्ये मोठा पाऊस सुरु झाला आहे.

"शंभूराज देसाई आणि २२ आमदार नाराज हे पत्रकार परिषद घेऊन सांगणे म्हणजे आपल्या सोबतचे आमदार मुख्यमंत्री एकनाथ शिंदे सोबत निघाले आहेत ह्यावर शिक्कामोर्तब करणे आहे...त्यांना थांबण्यासाठी केलेली ही राजकिय खेळी आहे...थोड्या दिवसात कळलेले असेल नक्की सत्य काय आहे.." असं ट्वीट सामंतांनी केलं आहे. त्यांच्या या ट्वीटमुळे राजकीय चर्चांना उधाण आलं आहे.

शहरातील पंचवटी परिसरात असलेल्या गणेशवाडी येथील देवीच्या मंदिरात चोरी झाल्याची घटना समोर आली आहे. देवीच्या मंदिरात असलेल्या पितळीच्या भरीव पादुका चोरीला गेल्या आहेत.

पुण्यातील कल्याणी नगर मधील आयटी पार्कमध्ये भीषण आग लागली आहे. यामध्ये काही कर्मचारी अडकल्याची भिती व्यक्त केली जात आहे.

वाघोलीत प्रेयसीनेच प्रियकराची हत्या केली आहे. दोघांमध्ये झालेल्या वादातून ही हत्या घडल्याची प्राथमिक माहिती पोलिसांनी दिली आहे.

माझ्या माहितीनुसार शिवसेना उद्धव बाळासाहेब ठाकरे ही राष्ट्रवादीत विलीन करावी असा प्रस्ताव दिला गेलाय, असा दावा निलेश राणे यांनी केला आहे.

पाषाण ते चांदणी चौक परिसरात वाहतूक कोंडी. चेलाराम हॉस्पिटलजवळ पुलावर अर्ध्या तासापासून लोक अडकले आहेत.

भारतीय अंतराळ संशोधन संस्था (ISRO) ने श्रीहरिकोटा येथील सतीश धवन अंतराळ केंद्रात GSLV-F12 उपग्रह प्रक्षेपित केला.

रिपाइंचे अध्यक्ष रामदास आठवले यांनी प्रकाश आंबेडकर यांना खोचक सल्ला दिला आहे. प्रकाश आंबेडकर यांनी माझ्यासोबत यावे, मी त्यांना भाजपकडे घेऊन जातो. आपण दोघे मिळून भाजपसोबत राहूया, उद्धव ठाकरेंकडे तुम्हाला काही मिळणार नाही, असा सल्ला त्यांनी दिला आहे.

काँग्रेस खासदार बाळू धानोरक यांची प्रकृती जिंताजनक आहे. त्यांना उपचारासाठी दिल्लीला हलवण्यात आलं आहे.

येत्या आठवडाभरात मॉन्सून केरळमध्ये दाखल होणार आहे. तर राज्यातील काही भागांत या आठवड्यात पावसाच्या सरी कोसळण्याचा अंदाज असून काही जिल्ह्यांमध्ये आज आणि उद्या मेघगर्जनेसह पावसाचा अंदाज वर्तवण्यात आला आहे.

देशासह राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन या सर्व घडामोडींचे अपडेट जाणून घ्या एका क्लिकवर