Latest Marathi News Update : देशविदेशातील बातम्या वाचा एका क्लिकवर

मुंबईत गोरेगावच्या जंगताल भीषण आग लागल्याची घटना घडलीय. आगीच्या घटनेची माहिती मिळताच वनविभागाकडून आग आटोक्यात आणण्यासाठी प्रयत्न सुरू आहेत..उल्हासनगरचे राजकारण आणि कलानी कुटुंब हे समीकरण गेल्या अनेक दशकांपासून कायम आहे. मात्र, आता याच गडाला राष्ट्रवादी शरद पवार गटानं सुरुंग लावला आहे..मौजमजेसाठी दुचाकी चोरणाऱ्या एका अल्पवयीन मुलाला वारजे माळवाडी पोलिसांनी ताब्यात घेतले आहे. त्याच्याकडून चोरीच्या दहा दुचाकी जप्त केल्या असून, पुणे शहर आणि पिंपरी-चिंचवडमधील चोरीचे दहा गुन्हे उघडकीस आणण्यात पोलिसांना यश आले आहे..पायधुनी इथं एकाच कुटुंबातील चौघांचा मृत्यू कलिंगडामुळे नव्हे तर उंदीर मारण्याचं औषधामुळे झाल्याचं समोर आलंय. चौघांच्याही शरीरात उंदीर मारण्याचं औषध झिंक फॉस्फाइटचा अंश आढळला आहे..पश्चिम बंगालच्या मुख्यमंत्रीपदाचा राजीनामा देण्यास नकार देणाऱ्या ममता बॅनर्जींना राज्यपालांनी दणका दिला. राज्यपालांनी ममता बॅनर्जींचं सरकार बरखास्त केलं आहे. यामुळे आता विधानसभाही विसर्जित झालीय..महाराष्ट्र राज्य माध्यमिक आणि उच्च माध्यमिक शिक्षण महामंडळाकडून दहावीच्या बोर्ड परीक्षेचा निकाल शुक्रवारी जाहीर करण्यात येणार आहे. बोर्डाची पत्रकार परिषद सकाळी ११ वाजता होणार असून यानंतर संकेतस्थळावर निकाल जारी केले जातील..डीएमकेने आज आपल्या विधिमंडळ पक्षाच्या बैठकीत अनेक ठराव मंजूर केले. ठराव १: तामिळनाडूची जनता आणि मित्रपक्षांचे आभार.ठराव २: पक्ष आणि तामिळनाडूसाठी दशकांनुदशके केलेल्या समर्पणाबद्दल पक्षप्रमुख एम.के. स्टॅलिन यांच्याप्रती कृतज्ञता व्यक्त..मे महिन्याच्या सुरुवातीलाच राज्यात उन्हाच्या तीव्र झळा बसत असताना, नाशिकच्या बागलाण तालुक्याला आज अवकाळी पावसाने जोरदार तडखा दिला आहे. .जुन्नर तालुक्याच्या पश्चिम आदिवासी भागातील खटकाळे येथे शेतकरी सोमा सखाराम केदारी वय 62 वर्षे यांच्या कापणी झालेल्या बाजरीच्या पिकात गांजाची झाडे आढळून आल्याने केदारी यांच्याविरोधात जुन्नर पोलिस ठाण्यात गुन्हा दाखल करण्यात आला आहे. याबाबतची फिर्याद पोलिस शिपाई दादाभाऊ पावडे यांनी जुन्नर पोलिस ठाण्यात दिली. .सोलापूर-पुणे राष्ट्रीय महामार्गावर अपघातात गंभीर जखमी झालेल्या तरुणाचा उपचारादरम्यान मृत्यू झाला आहे. कदीर हांडे असे उपचारादरम्यान मृत्यू झालेल्या तरुणाचे नाव आहे. सोलापुरातल्या शेळगी परिसरात भरधाव कारने रस्त्यात उभ्या असलेल्या ट्रकला धडक दिल्याने हा अपघात झाला होता. या अपघातात शेखर सुरेकर आणि अमोल येरटे या दोघांचा जागीच मृत्यू झाला आहे..वांगणीत वादळी वाऱ्यासह जोरदार पाऊस सुरु आहे. या पावसामुळे अनेक घरांचे पत्रे उडाले असून काही झाडांच्या फांद्याही पडल्या आहेत. अचानक आलेल्या पावसामुळे नागरिकांची चांगलीच तारांबळ उडाली..उपमुख्यमंत्री एकनाथ शिंदे यांचे हेलिकॉप्टर वादळात अडकलं असून खराब हवामानामुळे हेलिकॉप्टरला माघारी परतावं लागलं आहे. ठाण्यात सध्या जोरदार अवकाळी पाऊस सुरु आहे..बीड : बनावट आदेशाने ६८ कोटी रुपयांचा भूसंपादन मावेजा ३१० कोटी रुपयांवर नेऊन २४१ कोटी रुपयांच्या घोटाळा प्रकरणात दाखल गुन्ह्यात साडेचार महिन्यानंतर तत्कालिन जिल्हाधिकारी व वरिष्ठ सनदी अधिकारी अविनाश पाठक यांना गुरुवारी (ता. सात) पोलिसांनी ताब्यात (Avinash Pathak arrest) घेतले. इथे क्लिक करा....पाली (रायगड) : मुंबई-गोवा महामार्गावरील माणगावनजीक मानस हॉटेल शेजारी असलेल्या (Mumbai Goa Highway Fire) एका भंगार गोदाम परिसरात बुधवारी (ता. 6) दुपारी आग लागली होती. या आगीमुळे परिसरात प्रचंड प्रमाणात काळ्या धुराचे लोट पसरले होते, ज्यामुळे महामार्गावरून ये-जा करणाऱ्या वाहनधारकांना आणि स्थानिक रहिवाशांना मोठा मनस्ताप सहन करावा लागला..चिपळूण : मध्यपूर्वेत सुरू असलेल्या तणावामुळे विस्कळीत झालेला पुरवठा आणि आता कमर्शिअल एलपीजी सिलिंडरच्या किमतीत झालेली मोठी वाढ यामुळे हॉटेल आणि रेस्टॉरंट उद्योग संकटात सापडला आहे. आधीच व्यावसायिकांनी पदार्थांचे दर वाढवले आहेत. गॅसच्या दरवाढीमुळे आता पुन्हा पदार्थांची दरवाढ अटळ आहे. पूर्वी शंभर रुपयात शाकाहारी जेवण मिळत होते त्याच दरात आता मिसळपाव मिळत आहे. .आंबा हंगाम मध्यावर असताना सिंधुदुर्गावर वादळी वाऱ्यांसह पावसाचे सावट निर्माण झाले (sindhudurg mango crop damage due to rain) आहे. हवामान विभागाने शुक्रवारपर्यंत (ता. ८) पावसाचा अंदाज दिल्याने आंबा बागायतदारांची धास्ती वाढली आहे. हवामान विभागाने आजपासून ८ मे या कालावधीत वादळी वारे, विजांच्या कडकडाटासह पावसाचा अंदाज दिला आहे. .आज दुपार नंतर अचानक आलेल्या विजेसह वादळी वाऱ्यासह अवकाळी पावसामुळे नागरिकांची चांगलीच तारांबळ उडाली आहे. उकाड्याने हैराण झालेल्या नागरिकांना दिलासा मिळाला असला तरी लग्न सराई सुरू असलेल्या वराड्याची धावपळ पाहायला मिळत आहे.शहापूर तालुक्यात काही भागात अवकाळी पाऊस विटभट्टीधारक भाजी उत्पादन शेतकरी हवालदिल तर ऐन लगीन सराईत वधु वराची तारबळ.सध्या राज्यात नसरापूरच्या घटनेवरून समाजमन संतप्त असतानाच अकोला जिल्ह्यातील पातुर तालुक्यातल्या सावरगाव या गावात जगराम या 60 वर्षीय वृद्धाने शेजारी राहणाऱ्या दहा वर्षीय चिमुकलीवर अत्याचार केला होता. मुलीचे आई-वडील शेतात मोलमजुरी करायला गेल्यानंतर या वृद्धाने तिच्यावर चार ते पाच दिवसांपासून वारंवार अत्याचार केलाय. पीडित चिमुकली आधी भीतीमुळे घरी सांगत नव्हतीय. मात्र, पीडित मुलीने ही बाब आई-वडिलांना सांगितल्यानंतर प्रकार उघडकीस आलाये. मात्र घटनेपासून आरोपी फरार होता. आज आमदार रोहित पवार आणि ठाकरे सेनेचे आमदार नितीन देशमुख यांनी पीडित मुलीच्या कुटुंबियांची भेट घेतली होती, यावेळी रोहित पवारांनी अकोला पोलिसांना सायंकाळपर्यंत आरोपी पकडण्याचा इशारा दिला होता. अखेर आरोपीला आज आलेगावच्या जंगल परिसरातून अटक करण्यात आली आहे...वाशिमच्या मानोरा तालुक्यातील वडगाव इथ वादळी वाऱ्यामुळे ग्रामपंचायतीचा सोलर खांब विद्युत तारांवर कोसळून अपघात झालाय... यात सोलर खांब विद्युत तारांवर पडल्याने विद्युत तारा तुटून थेट लग्न मंडपावर पडल्याने एकच गोंधळ उडाला होता. या घटनेत सहा जण जखमी झाले असून, विजेचा शॉक लागून काही जण किरकोळ जखमी झाले. तर सोलर खांब अंगावर पडल्याने 2 महिला गंभीर जखमी झाली आहेत. गंभीर जखमी महिलेला उपचारासाठी यवतमाळ जिल्ह्यातील दिग्रस येथे दाखल करण्यात आले आहे. अचानक घडलेल्या या प्रकारामुळे लग्नस्थळी काही काळ भीतीचे वातावरण निर्माण झाले होते..कथित ९०० कोटी रुपयांच्या 'जल जीवन मिशन' (JJM) घोटाळ्याप्रकरणी, लाचलुचपत प्रतिबंधक विभागाने (ACB) राजस्थानचे माजी मंत्री महेश जोशी यांना त्यांच्या निवासस्थानी अटक केली.अटकेनंतर, ACB ने त्यांना न्यायालयासमोर हजर केले आणि ५ दिवसांच्या पोलीस कोठडीची मागणी केली..पुण्यातील नसरापूर घटनेतील आरोपीला ऑनलाइन पद्धतीने न्यायालयात हजर करण्यात आले. पुढील तपासासाठी पोलिसांनी कोठडीची मागणी केल्यानंतर न्यायालयाने आरोपीला १२ मेपर्यंत पोलिस कोठडी सुनावली. दरम्यान, आरोपीचा मेडिकल आणि फॉरेन्सिक अहवाल अद्याप प्रलंबित असल्याची माहिती समोर आली आहे..नंदुरबार जिल्ह्यातील सातपुडा परिसरात सलग दुसऱ्या दिवशी अवकाळी पावसाने जोरदार हजेरी लावली. धडगाव तालुक्यातील काकडदा आणि खामला परिसरात गेल्या अर्ध्या तासापासून मुसळधार पाऊस कोसळत असून वादळी वाऱ्यांसह झालेल्या पावसामुळे रस्त्यांना नदीचे स्वरूप आले आहे. दरम्यान, धडगाव शहरातही हलक्या ते मध्यम स्वरूपाच्या पावसाची नोंद झाली आहे..राज्यातील आत्महत्याग्रस्त शेतकरी कुटुंबातील विद्यार्थ्यांच्या शिक्षणासाठी साईबाबा संस्थानने पुढाकार घेतला आहे. दहावीत ८० टक्क्यांहून अधिक गुण मिळवलेल्या मुला-मुलींच्या अकरावी आणि बारावीच्या शिक्षणाचा संपूर्ण खर्च साईसंस्थान उचलणार आहे..पैठण तालुक्यातील वरुडी गावातील शेतकरी प्रकाश गलधर यांनी तीन महिने राबून पिकवलेला कांदा बाजारात नेला, मात्र १ रुपये किलो दर मिळाल्याने त्यांच्यावर मोठे संकट ओढावले. १२ क्विंटल कांदा विकल्यानंतर हमाली, तोलाई आणि वाहतूक खर्च वजा केल्यावर त्यांच्या हातात एकही रुपया उरला नाही. उलट आडत्यालाच एक रुपये देऊन त्यांना घरी परतावे लागले. मोठ्या मेहनतीने घेतलेल्या पिकातून काहीतरी उत्पन्न मिळेल अशी अपेक्षा होती, पण बाजारातील पडलेल्या दरामुळे संपूर्ण कुटुंब हतबल झाले. शेवटी विक्रीतून तोटा होत असल्याने त्यांनी उरलेला अख्खा कांदा शेतातच खत म्हणून पसरून टाकला..सांगली जिल्ह्यातील वाळवा तालुक्यात असलेल्या हुतात्मा साखर कारखान्याच्या अध्यक्षांविरोधातील आंदोलनाचा आज सलग १७ वा दिवस आहे. हुतात्मा साखर कारखान्याच्या प्रवेशद्वारासमोर सुरू असलेल्या धरणे आंदोलनाच्या ठिकाणीच संचालक मंडळ व सभासदांची बैठक घेण्यात आली. या बैठकीत अध्यक्ष वैभव नायकोडे यांचे सर्व अधिकार काढून घेण्याचा ठराव मंजूर करण्यात आला. या ठरावाची प्रत कारखान्याच्या उपाध्यक्षांना सुपूर्द करण्यात आली आहे. कारखान्यात अध्यक्ष वैभव नायकवडी यांनी मोठ्या प्रमाणात भ्रष्टाचार केल्याचा आरोप करण्यात येत असून, त्यांनी अध्यक्षपदाचा राजीनामा द्यावा, या मागणीसाठी सभासद गेल्या १७ दिवसांपासून हुतात्मा साखर कारखान्यासमोर आंदोलन करत आहेत. आता त्यांच्या राजीनाम्यासाठी आणखी तीव्र आंदोलन छेडण्याचा निर्णय घेण्यात आला आहे..कोल्हापूर दक्षिण मतदारसंघातील जलजीवन मिशन अंतर्गत राबविण्यात येत असलेल्या सुधारित गांधीनगर प्रादेशिक १३ गावांच्या नळपाणीपुरवठा योजनेविरोधात आज महिलांनी तीव्र नाराजी व्यक्त केली. योजनेतील होत असलेला विलंब, निकृष्ट दर्जाची कामे आणि वारंवार खंडित होणारा पाणीपुरवठा यांचा निषेध म्हणून या तेरा गावांतील महिलांनी कोल्हापुरातील महाराष्ट्र जीवन प्राधिकरणाच्या कार्यालयावर घागर मोर्चा काढला..बिहारमध्ये आता मंत्रिमंडळाचा विस्तार होणार असून यासाठी पंतप्रधान नरेंद्र मोदी पाटणा येथील गांधी मैदानात दाखल झाले आहेत. अल्पावधीतच नव्या मंत्रिमंडळाची घोषणा करण्यात येणार आहे..नंदुरबार जिल्ह्यात वाढत्या उन्हामुळे उसाच्या रसाला मागणी वाढली असली, तरी रसवंती चालक आर्थिक संकटात सापडले आहेत. रसवंतीसाठी वापरल्या जाणाऱ्या उसाच्या दरात तिपटीने वाढ होऊन तो 5 ते 6 हजार रुपये प्रति टन झाला आहे. साखर कारखान्यांच्या तुलनेत शेतकरी रसवंतीसाठी जास्त भाव घेत असल्याने कच्च्या मालाचा खर्च वाढला आहे..राष्ट्रवादीचे प्रदेशाध्यक्ष खा. सुनिल तटकरे, मंत्री आदिती तटकरे आणि शिंदेसेनेचे मंत्री भरत गोगावले यांची प्रतिष्ठा पणालाराष्ट्रवादीची एक हाती सत्ता असलेल्या म्हसळा नगर पंचायतीत शिंदेंच्या शिवसेने काही महिन्या पूर्वी सुरुंग लावत राष्ट्रवादीचे आठ नगरसेवक फोडले होतेफुटलेल्या नगर सेवकांना अपत्र करण्यासाठी राष्ट्रवादीने केलेले प्रयत्न अफल ठरल्याने म्हसळा नगर पंचायतीत नगराध्यक्ष पदाची निवडणुक17 पैकी 8 नगर सेवक शिवसेनेकडे असल्याने म्हसळा नगर पंचायतीवर शिवसेनेची सत्ता येण्याची शक्यताम्हसळा हा मंत्री आदिती तटकरे यांच्या श्रीवर्धन मतदार संघातील महत्व पुर्ण भाग.जळगाव दोन दिवस झाले तापमानाचा पारा खाली आला होता. यामुळे उन्हाच्या झळा देखील कमी झाल्या होत्या. मात्र आज जिल्ह्यात पुन्हा एकदा उन्हाचा तडाखा वाढायला सुरवात झाली आहे. तापमानाचा पारा पुन्हा वाढला असून, ४२ इतक्या तापमानाची नोंद झाली आहे. यामुळे सकाळपासूनच कडक ऊन जाणवत असून, दुपारच्या सुमारास तापमान वाढल्यामुळे नागरिकांना उकाड्याचा त्रास सहन करावा लागत आहे. तापमानात प्रचंड वाढ झाल्यानंतर जळगाव जिल्ह्यात उष्तेची लाट निर्माण झाली होती. साधारण आठवडाभर तापमानाचा पारा ४४ अंशांच्या वर गेलेला होता..नागपूर-तुळजापूर राष्ट्रीय महामार्गावर यवतमाळचे काँग्रेस आमदार बाळासाहेब मांगुळकर यांच्या नेतृत्वात पिकविमा मिळावा या मागणीसाठी शेतकऱ्यांनी रास्तारोको आंदोलन केले. आंदोलनामुळे काही काळ महामार्गावरील दोन्ही बाजूंची वाहतूक ठप्प झाली होती. पोलिसांच्या मध्यस्थीनंतर परिस्थिती नियंत्रणात आली.. विजय यांना मुख्यमंत्रीपदावर पाहण्याच्या आशेने प्रेरित होऊन, शेकडो टीव्हीके समर्थक गुरुवारी नेहरू इनडोअर स्टेडियमवर जमले होते; मात्र तिथे पोहोचल्यावर त्यांना केवळ बंद दरवाजे आणि नियोजित कार्यक्रमांबाबत माहितीचा पूर्ण अभावच दिसला..पावसाळ्याच्या पार्श्वभूमीवर सुरक्षित आणि अखंडित विमानसेवा सुनिश्चित करण्यासाठी मुंबई आंतरराष्ट्रीय विमानतळावर मान्सूनपूर्व देखभाल कामे हाती घेण्यात येणार असल्याने. विमानतळावरील उड्डाण सेवा तब्बल सहा तासांसाठी बंद ठेवण्यात येणार आहे. .युवतींना लग्नाचे आमिष दाखवून त्यांच्यावर अत्याचारराज्यात महिलांवरील अत्याचारांच्या घटनांमध्ये सातत्याने वाढ होत असल्याचे चित्र असतानाच पुणे जिल्ह्यातील शिरूर तालुक्यात पुन्हा एक धक्कादायक प्रकार समोर आला आहे.औद्योगिक वसाहत असलेल्या रांजणगाव येथे दोन वेगवेगळ्या युवतींना लग्नाचे आमिष दाखवून त्यांच्यावर अत्याचार करण्यात आल्याची घटना उघडकीस आली आहे..गांधीनगर मार्गावरील बेकायदा बांधकामे महापालिका उद्यापासून पाडणार : आयुक्त गांधीनगर मार्गावरील बेकायदेशीर बांधकामांना दिलेल्या नोटीसचा कालावधी आज (ता. ७) संपणार आहे. त्यामुळे महापालिकेने शुक्रवारपासून (ता. ८) ही बांधकामे पाडण्याची तयारी केली आहे. दरम्यान, या संदर्भातील सर्किट बेंचमध्ये दाखल याचिकांच्या सुनावणीवर ही कारवाई अवलंबून असण्याची शक्यता आहे..सुधारित निवृत्तिवेतन योजना लागूसुधारित निवृत्तिवेतनासाठी १७ लाख राज्य सरकारी कर्मचाऱ्यांनी पुकारलेल्या लढ्याला अखेर यश आले. मार्च २०२४ पासून योजना लागू होऊनही रखडलेली कार्यपद्धती अखेर सरकारकडून लागू करण्यात आली. २० वर्षे किंवा त्यापेक्षा अधिक सेवा झालेल्या कर्मचाऱ्यांना त्यांच्या सेवाकाळातील अखेरच्या वेतनाच्या ५० टक्के निवृत्तिवेतन व महागाई भत्तावाढ लागू करण्यात आला आहे. अर्थात त्यासाठी सुधारित योजना कर्मचाऱ्यांना स्वीकारावी लागेल..पुण्यात टेस्ट ड्राईव्हच्या बहाण्याने दुचाकीसह चोर पसारओएलएक्सवर दुचाकी विक्रीची ऑनलाइन जाहिरात देणे एका वाहनमालकाला चांगलेच महागात पडले.टेस्ट ड्राईव्हच्या बहाण्याने दुचाकी चोरून नेणाऱ्यास विमानतळ पोलिसांनी ताब्यात घेतले आहे.महम्मद मुजबता इकबाल शेख (वय २७, रा. खडी मशिन चौक, कोंढवा) असे आरोपीचे नाव आहे.फिर्यादी यांनी त्यांची दुचाकी विक्रीसाठी ओएलएक्सवर पोस्ट केली होती.त्यावर एका व्यक्तीने ईशिता माथुर नावाच्या प्रोफाईलमधून गाडी घेण्यास रस दाखवला.त्यानंतर ‘टेस्ट ड्राईव्हच्या बहाण्याने नजर चुकवून तो दुचाकीसह पसार झाला..Latest Marathi Live Updates 07 may 2026 : अल्पवयीन मुलीवर अल्पवयीन मामे भावाने अत्याचार केल्याचा प्रकार उघडकीस आला आहे. या प्रकरणातील पीडितेशी तिच्या वडील आणि मामाने अश्लील वर्तन केले, अशी फिर्याद पीडितेच्या आईने शाहूपुरी पोलिस ठाण्यात दिली आहे. या प्रकरणी पोलिसांनी पीडितेचा वडील आणि मामाला अटक केली आहे. जिल्हा सत्र न्यायालयाने बुधवारी या दोघांना पोलिस कोठडी सुनावली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर....सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Update : देशविदेशातील बातम्या वाचा एका क्लिकवर

Goregaon Forest Fire मुंबईत गोरेगावच्या जंगलात भीषण आग

Related Stories

Latest Marathi News: राज्यासह देशात कुठे काय घडलं? जाणून घ्या एका क्लिकवर...

Latest Marathi News Update : दिवसभरात देशविदेशात काय काय घडलं जाणून घ्या एका क्लिकवर

Latest Marathi News Update: राज्यासह देशात आज कुठे काय घडलं? जाणून घ्या....