१५ जूनपासून शाळा सुरू करण्यासंदर्भात शासनाने काढलेल्या परिपत्रकाला विदर्भातील शिक्षक संघटनांनी कडाडून विरोध दर्शवला आहे. विदर्भातील प्रचंड उष्णतेचा विचार करता शाळा २६ जून ते १ जुलै दरम्यानच सुरू करण्यात याव्यात अशी ठाम मागणी शिक्षकांनी केली आहे. सध्या सुरू असलेल्या उकाड्यामुळे विद्यार्थ्यांच्या आरोग्यावर गंभीर परिणाम होण्याची शक्यता व्यक्त करण्यात येत आहे. शासनाने हा निर्णय बदलला नाही तर शिक्षक संघटना रस्त्यावर उतरतील, तसेच न्यायालयाचा अवमान होत असल्यास पुन्हा न्यायालयात जाण्याचा इशाराही देण्यात आला आहे.
