डोंबिवलीः रात्री 7.30 च्या सुमारास अतुल मोने, हेमंत जोशी व संजय लेले यांचे पार्थिव डोंबिवली मधील त्यांच्या निवासस्थानी आणण्यात आले. यावेळी परिसरातील नागरिकांनी दोन तास आधीपासूनच त्यांच्या घराच्या बाहेर गर्दी केली होती. नातेवाईक देखील सायंकाळ पासून घराजवळ जमू लागले होते. पार्थिवासह कुटुंब सोसायटी मध्ये दाखल होताच नातेवाईकांनी एकच हंबरडा फोडला. नातेवाईकांसह परिसरातील नागरिक, मित्र परिवार यांचे डोळे पाणावले होते. यानंतर हे पार्थिव भागशाळा मैदान येथे नेण्यात आले.