अखिल भारतीय मराठी चित्रपट महामंडळाच्या पंचवार्षिक निवडणुकीत मेघराज राजेभोसले यांच्या नेतृत्वाखालील समर्थ पॅनेलने दणदणीत विजय मिळवला आहे. विद्यमान कार्यकारिणीच्या या आघाडीने सर्व १४ जागांवर विजय मिळवत वर्चस्व सिद्ध केले. दहा वर्षांनंतर झालेल्या या बहुचर्चित निवडणुकीचा निकाल मतमोजणीनंतर सोमवारी जाहीर करण्यात आला. निवडणुकीत मेघराज राजेभोसले यांच्या नेतृत्वाखालील समर्थ पॅनेल, अभिनेत्री वर्षा उसगावकर यांच्या नेतृत्वाखालील ‘चित्रकर्मी’ पॅनेल आणि अपक्ष आघाडी असे तीन पॅनेल रिंगणात होते.
