महाराष्ट्राच्या राजकारणात कर्नाटकची एन्ट्री; काँग्रेसच्या बड्या नेत्याचा उद्धव ठाकरेंना पाठिंबा I Maharashtra Politics | Sakal
sakal

बोलून बातमी शोधा

Karnataka Congress State President DK Shivakumar

उद्धव ठाकरेंचे 55 पैकी जवळ-जवळ 40 आमदार फुटल्यामुळं शिवसेनेसाठी हा मोठा धक्का आहे.

महाराष्ट्राच्या राजकारणात कर्नाटकची एन्ट्री; काँग्रेसचा उद्धव ठाकरेंना पाठिंबा

Maharashtra Political Crisis : एकनाथ शिंदे (Eknath Shinde) यांच्या बंडामुळं महाविकास आघाडी सरकार (Mahavikas Aghadi Government) धोक्यात आलंय. तर, उद्धव ठाकरे यांचे 55 पैकी जवळ-जवळ 40 आमदार फुटल्यामुळं शिवसेनेसाठी हा मोठा धक्का आहे. त्यातच आता कर्नाटकातील काँग्रेसच्या (Karnataka Congress) एका बड्या नेत्यानं महाविकास आघाडी सरकारला पाठिंबा दिला आहे.

संघटनेची बांधणी तळागाळातून केली असल्यानं मुख्यमंत्री उद्धव ठाकरे (Uddhav Thackeray) आत्मविश्वासात आहेत. ते नक्की मार्ग काढतील. पक्ष कायम ठेवण्यासाठी सरकार टीकणं महत्त्वाचं आहे. काँग्रेस आणि आम्ही सर्व महाविकास आघाडी सरकारसोबत आहोत, असं स्पष्ट मत काँग्रेस प्रदेशाध्यक्ष डीके शिवकुमार (Karnataka Congress State President DK Shivakumar) यांनी व्यक्त केलंय.

हेही वाचा: विरोधकांना धक्का; मायावतींचा NDA उमेदवार द्रौपदी मुर्मू यांना जाहीर पाठिंबा

महाराष्ट्र राज्यातील सत्तासंघर्ष आता खूपच तीव्र होताना दिसू लागला आहे. सोमवारपासून शिवसेना विरूद्ध बंडखोर आमदारांचा एकनाथ शिंदे गट यांच्यात संघर्ष सुरूय. पक्षातील सुमारे 38 नाराज आमदार शिंदे गटात सामील झाले आहेत. महाविकास आघाडीतून बाहेर पडून भाजपासोबत सत्ता स्थापना करावी, अशी विनंती हे सर्व आमदार मुख्यमंत्री उद्धव ठाकरेंना करत आहेत. पण, उद्धव ठाकरे महाविकास आघाडीतून बाहेर पडण्यास तयार नसल्याचं दिसत आहे.

हेही वाचा: 'तुम्ही आणि राष्ट्रवादीच्या नेत्यांनी आमचा विश्वासघात केला'; शिंदेंनी सांगितलं बंडखोरीचं 'कारण'

एकनाथ शिंदे गटाचं नाव ठरलं! 'शिवसेना-बाळासाहेब ठाकरे'

शिवसेनेचे बंडखोर नेते एकनाथ शिंदे यांनी सत्तासंघर्षात एक पाऊल पुढं टाकलंय. आपल्या गटाचं नाव आता त्यांनी ठेवलं असून 'शिवसेना-बाळासाहेब ठाकरे' असं शिंदे गटाचं नाव असेल अशी माहिती सूत्रांनी दिलीय. आज संध्याकाळी या नावाची घोषणा होण्याची शक्यता आहे. शिंदे गटाला बाळासाहेब ठाकरे यांच्या नावाचा वापर करण्याचा अधिकार नाही, अशी प्रतिक्रिया शिवसेना नेत्या मनीषा कायंदे यांनी दिलीय.

Web Title: Maharashtra Political Crisis Congress With Mahavikas Aghadi Government Karnataka Congress Dk Shivakumar

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..