जम्मू काश्मीरच्या किश्तवाड जिल्ह्यात गुरुवारी सुरक्षा दलांनी दहशतवाद्यांना घेरलं. यावेळी झालेल्या चकमकीत दोन दहशतवाद्यांचा खात्मा करण्यात आला. या मोहिमेत एक जवान शहीद झाला आहे. अधिकाऱ्यांनी सांगितले की, सुरक्षा दल छत्रूतील शिंगपोरा परिसरात दहशतवाद्यांचा शोध घेत होते. तेव्हा दहशतवाद्यांकडून गोळीबार केला गेला. यात गंभीर जखमी झालेला जवान उपचारावेळी शहीद झाला. संदीप गायकवाड असं जवानाचं नाव असून ते अहिल्यानगर जिल्ह्यातील होते.
