नवी दिल्ली- देशात कोरोनाचा (corona) हाहाकार माजला आहे. दररोज हजारो लोकांचा मृत्यू होत आहे, अशात देशातील १२ प्रमुख पक्षांनी (Major Opposition Parties) पंतप्रधान नरेंद्र मोदी (PM narendra modi) यांना पत्र लिहून काही मागण्या आणि सूचना केल्या आहेत. कोरोनाचं संकट थोपवण्यासाठी तत्काळ काही पाऊलं उचलण्यास पक्षांनी सांगितलंय. कोरोना संकटाचा 'अभूतपूर्व मानवी आपत्ती' म्हणून उल्लेख करत विरोधी पक्षांनी भाजपला खडेबोल सुनावले आहेत. केंद्र सरकारने याआधीच पाऊलं उचलली असती, तर ही वेळ आली नसती, असं त्यांनी म्हटलंय. पंतप्रधान मोदींना लिहिलेल्या पत्रावर बसपा प्रमुख मायावती, आम आदमी पक्षाचे प्रमुख अरविंद केजरीवाल यांच्यासह बारा पक्षांच्या नेत्यांनी स्वाक्षरी केली आहे. केंद्र सरकारला विरोधकांनी ८ सूचना केल्या आहेत. (Major Opposition Parties Send Joint Letter With 8 Points)
- केंद्र सरकारने उपलब्ध असणाऱ्या प्रत्येक सोर्सकडून लस खरेदी करावी- स्थानिक किंवा जागतिक
- तत्काळ मोफत आणि सर्वांसाठी लसीकरण मोहीम राबवावी
-स्थानिक लसीकरण उत्पादन वाढवण्यासाठी कम्पलसरी लायसेन्स असावे
-लसीकरणासाठी केंद्र सरकारने ३५ हजार कोटींचा बजेट द्यावा
-सेंट्रल विस्टाचे बांधकाम तत्काळ थांबवावे आणि या पैशांचा वापर ऑक्सिजन-लशीसाठी करावा
- पीएम केअर्स फंड आणि इतर ट्रस्टमध्ये असलेला पैसा लस, औषधं आणि मेडिकल उपकरणे खरेदी करण्यासाठी करावा
-बेरोजगारांना महिन्याला ६ हजार रुपये द्यावे
- कृषी कायदे मागे घ्या, आंदोलनामुळे शेतकऱ्यांमध्ये कोरोना पसरत आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
