"नरेंद्र मोदींना तालिबानसारखा भारत बनवू देणार नाही"

पश्चिम बंगालच्या मुख्यमंत्री ममता बॅनर्जी यांनी पंतप्रधान नरेंद्र मोदींवर टीका केली आहे. सध्या देशभरात भाजपविरोधात सर्व राजकीय पक्षांची मोट बांधण्यात शरद पवार आणि ममता बॅनर्जी यांची हालचाल सुरू आहे.

नरेंद्र मोदी, अमित शाह, आम्ही तुम्हाला तालिबानसारखा भारत बनवू देणार नाही,असं बॅनर्जी यांनी म्हटलंय. भारत एकसंध राहील. गांधीजी, नेताजी, विवेकानंद, सरदार वल्लाभाई पटेल, गुरुनानक, गौतम बुद्ध, जैन समाज या सगळ्याचा एकत्र उल्लेख होईल, असे त्या म्हणाल्या. आम्ही भारताचे विभाजन कोणालाही करू देणार नाही, असं ममता बॅनर्जी यांनी म्हटलं.

भाजप ही जुमला पार्टी आहे. तृणमूल काँग्रेस दुर्गा पूजा, लक्ष्मी पूजा करण्याची परवानगी देत नाही, अशा अफवा भाजप उठवतं, असे आरोप बॅनर्जी यांनी केले आहेत. भवानीपूर मतदारसंघात रॅलीमध्ये त्यांनी मोदी, शहा यांच्यावर टिका केली.