धक्कादायक! अर्भकाचे लचके तोडून कुत्र्यानं डोकं केलं धडा वेगळं अन्..

Vanasthalipuram Police
Vanasthalipuram Policeesakal
Summary

वनस्थलीपुरममधील सहारा कॉलनीत एक धक्कादायक घटना समोर आलीय.

हैदराबाद : वनस्थलीपुरममधील (Vanasthalipuram) सहारा कॉलनीत एक धक्कादायक घटना समोर आलीय. येथील रहिवाशांना काल (रविवार) भटक्या कुत्र्यानं जबड्यात बाळाचं डोकं पळवून नेत असल्याचं निदर्शनास आलं, हे पाहून त्यांना धक्का बसलाय. वनस्थलीपुरम पोलिसांनी (Vanasthalipuram police) सांगितलं की, सध्या बाळाचं डोकं ताब्यात घेतलं असून शवविच्छेदनासाठी पाठवण्यात आलंय. तसेच कलम 318 (देहाची गुप्त विल्हेवाट लावणं) अंतर्गत गुन्हा दाखल करण्यात आलाय.

काल (रविवार) मन्सूराबाद (Mansoorabad) येथील एका दूध बुथवर असलेल्या कार्तिकला भटक्या कुत्र्याच्या जबड्यात मानवी डोकं आढळून आलं. त्यानं इतर काहींना घेऊन कुत्र्याचा पाठलाग केला असता, ते डोकं कुत्र्याच्या तोंडातून झुडपात पडलं. याबाबत त्यांनी पोलिसांनी त्वरित माहिती कळवली.

Vanasthalipuram Police
मुख्यमंत्र्यांच्या पक्षानं रचला इतिहास; ओडिशात सर्व झेडपीत बीजेडी अध्यक्ष

त्यानंतर पोलीस घटनास्थळी पोहोचले असता, हे डोकं दोन-तीन दिवसांच्या बाळाचं असल्याचं आढळून आलं. मात्र, या बाळाचं धड अद्याप सापडलेला नाहीय. मुलाच्या पालकांनी मृतदेह योग्यरित्या पुरला नसल्याचा प्राथमिक अंदाज पोलिसांनी वर्तवलाय. या भटक्या कुत्र्यांनी बाळाचे लचके तोडून डोकं धडा वेगळं केलं असावं, असाही संशय व्यक्त केला जातोय. परंतु, खरी वस्तुस्थिती जाणून घेण्यासाठी तपास केला जात आहे, असंही वनस्थलीपुरम पोलिस स्टेशनच्या अधिकाऱ्यानं सांगितलंय. कुत्र्याला बाळाचं डोकं कोठून सापडलं याबाबत सीसीटीव्ही फुटेज तपासले जात आहेत, असंही ते म्हणाले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com