विवाहितेचे प्रेमसंबंध; पतीला समजता प्रियकरासह मिळून केला गेम

राजधानी नवी दिल्लीत पुन्हा एकदा नातेसंबंधांची हत्या झाली. पत्नीने प्रियकरासह पतीची हत्या (murder) केली. यानंतर पत्नीने पोलिसांची दिशाभूल करण्याचा प्रयत्न केला. परंतु, तिच्या कटाचे रहस्य उघड झाले. यानंतर पोलिसांनी आरोपी पत्नी आणि प्रियकराला अटक केली आहे. अर्जुन घोष (३७) असे मृताचे नाव आहे. (Husband murder in love affair of wife)

मृत अर्जुन घोषची पत्नी सोनाली घोष हिचे मोहन नावाच्या व्यक्तीसोबत प्रेमसंबंध होते. त्यांच्या प्रेमसंबंधाची (love affair) माहिती पती अर्जुनला झाली होती. त्यामुळे अर्जुन घोष पत्नी सोनालीसोबत रोज भांडण करीत होता. शुक्रवारी पुन्हा एकदा दोघांमध्ये बाचाबाची झाली. त्यानंतर पत्नीने प्रियकरासह पती अर्जुन याचा धारदार शस्त्राने गळा चिरून खून (murder) केला, असे स्थानिक पोलिस स्टेशनचे एसएचओ बलबीर सिंह यांनी सांगितले.

दुष्ट पत्नीने हे गूढ उकलण्याचा कट रचला आणि पहाटे घरातून निघून गेली. शुक्रवारी दुपारी घरी आल्यावर तिने पोलिसांना फोन केला आणि तिच्या पतीला कोणीतरी मारले (murder) आहे. यानंतर पोलिसांनी घटनास्थळी पोहोचून तपास सुरू केल्यावर संशयाची सुई पत्नीकडे वळली. पोलिसांनी महिलेला ताब्यात घेऊन कसून चौकशी केली आणि तिनेच प्रियकरासह मिळून पतीची हत्या केल्याचे समोर आले.