Rajnath Singh Celebrates Holi : राजनाथ सिंहांची लेहमध्ये सैनिकांसोबत होळी साजरी

लेह : संरक्षणमंत्री राजनाथ सिंह यांनी रविवारी (ता. २४) भारताची ‘शौर्याची राजधानी’ अशी ओळख असलेल्या लडाखमध्ये लष्कराच्या जवानांसोबत होळी साजरी केली. तसेच प्रतिकूल हवामानाचा सामना करीत शत्रूंपासून देशाचे रक्षण केल्याबद्दल जवानांचे कौतुक केले. सिंग यापूर्वीही जगातील सर्वांत उंच युद्धभूमी असलेल्या सियाचीनला जाणार होते.

मात्र खराब हवामानामुळे त्यांचा दौरा रद्द करण्यात आला. मंत्र्यांसोबत लष्करप्रमुख जनरल मनोज पांडेही उपस्थित होते. या वेळी संरक्षणमंत्र्यांनी सैनिकांच्या कपाळावर गुलालाचा टिळा लावल्याने सैनिक भारावले होते.