फ्री लशींमुळे पेट्रोल महागलं, पेट्रोलियम मंत्र्याचं स्पष्टीकरण

देशभरात पेट्रोल आणि डिझेलचे भाव गगनाला भिडलेले असताना इंधन दरवाढीबद्दल केंद्र सरकारच्या एका मंत्र्याने अजब स्पष्टीकरण दिलं आहे. दिवसेंदिवस देशातील पेट्रोल आणि डिझेलचे दर सर्वसामान्यांची चिंता वाढवत आहेत. अशातच केंद्रीय पेट्रोलियम मंत्री रामेश्वर तेली यांचा पाय मोफत लसीकरणावर घसरला आहे.

देशभरात मोफत लसीकरण असल्याने पेट्रोल डिझेलचे भाव वाढल्याचं स्पष्टीकरण त्यांनी दिलंय. तेली हे पेट्रोलियम, नैसर्गिक वायू आणि श्रम-रोजगार खात्याचे राज्यामंत्री म्हणून कार्यभार सांभाळतात. नव्याने विस्तारलेल्या नरेंद्र मोदींच्या मंत्रिमंडळात त्यांच्याकडे या खात्यांचा पदभार देण्यात आला आहे.

सध्या राजधानी दिल्लीत पेट्रोल 104.44 रुपये लिटर तर डिझेलचा दर 93.17 रुपये प्रति लिटर होता. मुंबईत पेट्रोल 110.41 रुपये प्रति लिटर आणि डिझेल खरेदीसाठी एका लिटरला 101.03 रुपये मोजावे लागत आहेत.