Live Updates Marathi : पंतप्रधान मोदींच्या घरासमोर विरोधकांचा मोर्चा, राहुल गांधीही उपस्थित

पंतप्रधान मोदींच्या निवासस्थावर विरोधकांकडून मोर्चा काढण्यात आला आहे. यावेळी राहुल गांधीही उपस्थित आहेत. विरोधकांकडून पंतप्रधानांच्या घराबाहेर ठिय्या मांडण्यात येत आहे..पुण्यात कात्रज बोगद्याजवळ भीषण अपघातअपघातात दुचाकीस्वाराचा जागीच मृत्यूपुण्यातील कात्रज घाटातील जुन्या बोगद्याजवळ दुपारच्या सुमारास ट्रक आणि दुचाकी यांच्यात समोरासमोर धडक होऊन अपघात झाल्याची घटनादुचाकीस्वार कात्रजच्या दिशेने जात असताना समोरून येणाऱ्या ट्रकला त्याची जोरदार धडक बसून हा अपघात झाला या घटनेनंतर या मार्गावरची वाहतूक काही काळ विस्कळीत झाली होती.भारत आणि अमेरिका यांच्यात होणाऱ्या प्रस्तावित 'मुक्त व्यापार करारा'ला (India-US Trade Deal) विरोध करण्यासाठी दिल्लीतील किसान घाट येथे देशव्यापी आंदोलन करण्यासाठी निघालेल्या हजारो शेतकऱ्यांवर दिल्ली आणि हरियाणा पोलिसांनी तीव्र दडपशाही सुरू केली आहे. 'देश बचाओ मोर्चा' च्या बॅनरखाली देशातील १५४ हून अधिक शेतकरी संघटना या आंदोलनात सामील झाल्या असून, स्वाभिमानी शेतकरी संघटनेचे प्रमुख मा. खा. राजू शेट्टी, माजी मंत्री महादेव जानकर आणि राष्ट्रीय किसान मोर्चाचे नेते सरदार व्ही. एम. सिंह यांच्यासह हजारो शेतकऱ्यांना पोलिसांनी राजघाट आणि दिल्लीच्या सीमा भागातून ताब्यात घेतले आहे..कात्रज परिसरात जुन्या वादातून १७ वर्षीय तरुणाची सात जणांनी धारदार शस्त्रांनी सपासप वार करून निर्घृण हत्या केल्याची धक्कादायक घटना सोमवारी (२० जुलै) रात्री घडली. मोबाईल दुरुस्त करून घेण्यासाठी मित्रासह गेलेल्या गणेश रविंद्र माळवे (वय १७, रा. कात्रज गाव) याच्यावर भररस्त्यात कोयते व लोखंडी शस्त्रांनी हल्ला करण्यात आला. गंभीर जखमी झालेल्या गणेशला भारती रुग्णालयात दाखल केले असता डॉक्टरांनी त्याला मृत घोषित केले. या घटनेमुळे कात्रज परिसरात मोठी खळबळ उडाली आहे..केतन ला मारण्याचा नाही पण गंभीर जखमी करायचा होता पहिला प्लॅनजखमी करण्यासाठी कोणाला "सुपारी" द्यायची याबद्दल सिया आणि चेतन मध्ये बातचीतकेतन ला मारहाण करणे किंवा त्याचा अपघात घडवून आणण्यासाठी केली होती दोघा आरोपींनी चर्चाअपघात घडवून आणून जखमी करण्यासाठी किंवा त्याला लुटण्यासाठी कुठली लोकं हे काम करू शकतील, याबद्दल सुद्धा सिया आणि चेतन ने केली चर्चाआपल्यावर संशय येणार नाही म्हणून अपघात, लुटणे आणि मारहाण अशा पर्यायांवर झालं होतं विचार मंथनविवाहपूर्वी बाली मध्ये होणाऱ्या प्री-वेडिंग रद्द व्हावे यासाठी केला गेला खटाटोप .नागपूर जिल्ह्यातील काटोल येथे होणार शासकीय उद्यानविद्या महाविद्यालय. महाविद्यालयात दरवर्षी १२० जागांवर होतील प्रवेश. डॉ. पंजाबराव देशमुख कृषि विद्यापीठ, अकोला संलग्न या महाविद्यालयामुळे विदर्भातील ११ जिल्ह्यांना होणार लाभ. फळे, भाजीपाला, फुले तसेच प्रक्रीया व मुल्यवर्धनासाठी अभ्यास, संशोधनास चालना. महाविद्यालयासाठी ५१ नियमित पदांनाही मान्यता. (कृषी विभाग) राष्ट्रीय आपत्ती प्रतिसाद दल- एनडीआरएफला पुणे जिल्ह्यातील मौजे सदुंबरे ( ता. मावळ) तीन हेक्टर जमीन देण्यास मान्यता. याठिकाणी एनडीआरएफचा कायमस्वरूपी तळ उभा राहणार. प्रशिक्षणासह, राज्यातील आपत्ती व्यवस्थापनासाठी प्रभावी उपाययोजना करता येणार. (महसूल, नोंदणी व मुद्रांक शुल्क विभाग)मोझरी येथील अखिल भारतीय श्रीगुरूदेव सेवामंडळ यांच्या नागपूर मधील सुभाष रोड जागेच्या भाडेपट्ट्याच्या नुतनीकरणावरील मुद्रांक शुल्क माफ. (महसूल, नोंदणी व मुद्रांक शुल्क विभाग)राज्यातील १७७ आकांक्षित तालुक्यांमध्ये प्रायोगिक तत्वावर सन २०२६-२७ साठी आकांक्षित तालुका कार्यक्रम राबविण्यात येणार. प्रत्येक तालुक्याला मिळणार ५ कोटींचा निधी. सन २०२७-२८ मध्ये मुल्यांकन होणार, उत्कृष्ट काम करणाऱ्या तालुक्यांना मिळणार पुरस्कार. (नियोजन विभाग)लोक आयुक्त कार्यालयातील १४३ पदांच्या सुधारित आकृतीबंधास मान्यता. महाराष्ट्र लोक आयुक्त अधिनियम २०२३ च्या अंमलबजावणीमुळे लोक आयुक्तांच्या अधिकार क्षेत्रात वाढ झाल्याने मनुष्यबळामध्ये वाढ. (सामान्य प्रशासन विभाग).पुण्यात आज सकाळपासून रिमझिम पावसाने हजेरी लावल्याने वातावरणात गारवा निर्माण झाला आहे. अनेक भागांमध्ये सकाळपासून हलक्या ते मध्यम स्वरूपाच्या सरी कोसळत असून नागरिकांना उकाड्यापासून दिलासा मिळाला आहे. पावसामुळे रस्त्यांवर ओलावा पसरला..केंद्रीय मंत्री जे. पी. नड्डा यांनी लाठीमारात जखमी झालेल्या आंदोलक विद्यार्थ्यांची भेट घेऊन त्यांच्या प्रकृतीची विचारपूस केली. विद्यार्थ्यांशी संवाद साधत त्यांनी उपचारांची माहिती घेतली आणि आवश्यक ती मदत केली जाईल, असे आश्वासन दिले. काल राजधानीत झालेल्या आंदोलनादरम्यान पोलिसांनी केलेल्या लाठीमारानंतर अनेक विद्यार्थी जखमी झाले होते. या घटनेनंतर राजकीय वातावरण तापले असून या प्रकरणावर विविध स्तरांतून प्रतिक्रिया उमटत आहेत..ANC- दिल्लीतील जंतर-मंतर येथे आंदोलन करणाऱ्या विद्यार्थ्यांवर झालेल्या कथित लाठीचार्जच्या निषेधार्थ कल्याणमध्ये महाराष्ट्र नवनिर्माण सेनेने आक्रमक आंदोलन केले. छत्रपती शिवाजी महाराज चौकात झालेल्या या आंदोलनात केंद्रीय शिक्षणमंत्री धर्मेंद्र प्रधान यांच्या छायाचित्राला काळे फासून ते पायदळी तुडवत केंद्र सरकारच्या विरोधात जोरदार घोषणाबाजी करण्यात आली. या आंदोलनात मनसेचे पदाधिकारी, कार्यकर्ते आणि महिला कार्यकर्त्यांनी मोठ्या संख्येने सहभाग घेतला..राहुल गांधी, प्रियंका गांधी आरएमएल रुग्णालयात जखमी विद्यार्थ्यांच्या भेटीला ठाकरेंच्या शिवसेनेचे नेते दिल्लीत आंदोलकांच्या भेटीला संजय राऊत, अनिल देसाई, अरविंद सावंत विद्यार्थ्यांच्या भेटीला .भाजप आमदार सदाभाऊ खोतांकडून आंदोलकांना आतंकवाद्यांची उपमा इंडिया आघाडी आतंकवाद्यांसारखी परिस्थिती निर्माण करतेय धर्मेंद्र प्रधान यांचा राजीनामा अजिबात घेऊ नका आतंकवाद्यांना लोकशाही मार्गाने उत्तरं द्या - सदाभाऊ खोत.पुणे शहरात सायबर फसवणुकीच्या घटनांमध्ये मोठी वाढ होत असून, अवघ्या एका दिवसात सायबर शाखा आणि विविध पोलिस ठाण्यांमध्ये मिळून ४२ गुन्ह्यांची नोंद झाली आहे. जास्त परताव्याचे आमिष दाखवून शेअर व्यवहार, आभासी चलनाशी संबंधित कामे तसेच परकीय चलन व्यवहाराच्या नावाखाली नागरिकांची लाखो रुपयांची फसवणूक करण्यात आली. काही प्रकरणांमध्ये नागरिकांच्या बँक खात्यांची माहिती चोरून आर्थिक व्यवहार करण्यात आले असून, कोथरूड, भारती विद्यापीठ, बाणेरसह शहरातील विविध पोलिस ठाण्यांमध्ये या प्रकरणांचा तपास सुरू आहे..विदर्भातील भंडारा, गोंदिया, चंद्रपूर आणि गडचिरोली या चार जिल्ह्यांसाठी पुढील तीन दिवस मुसळधार ते अतिमुसळधार पावसाचा इशारा देत नारंगी सतर्कता जाहीर करण्यात आली आहे. प्रादेशिक हवामान विभागाने दिलेल्या माहितीनुसार, या कालावधीत या जिल्ह्यांमध्ये शंभर मिलिमीटरपेक्षा अधिक पावसाची नोंद होण्याची शक्यता आहे. तसेच पुढील अठ्ठेचाळीस तासांत पश्चिम विदर्भातील काही भागांमध्येही जोरदार पावसाच्या सरी कोसळण्याचा अंदाज व्यक्त करण्यात आला असून नागरिकांनी आवश्यक ती खबरदारी घेण्याचे आवाहन करण्यात आले आहे..पुणे जिल्ह्यातील भोर तालुक्यातील शिंदेवाडी परिसरात तब्बल तेवीस वर्षांपूर्वी वडिलांच्या हत्येचा बदला मुलाने घेतल्याची धक्कादायक घटना समोर आली आहे. दीड वर्षांचा असताना वडिलांची निर्घृण हत्या झाल्याची घटना मनात ठेवून संबंधित तरुणाने सूडाच्या भावनेतून वडिलांच्या हत्येतील एका आरोपीवर धारदार शस्त्राने हल्ला करून त्याचा जीव घेतल्याचा आरोप आहे. या प्रकरणाचा तपास करत पुणे पोलिसांच्या स्थानिक गुन्हे शाखेने आणि राजगड पोलिसांनी मंथन वैद्यसह त्याच्या तीन साथीदारांना अटक केली असून पुढील तपास सुरू आहे..पंतप्रधान नरेंद्र मोदी यांनी संसदीय पक्षाच्या बैठकीत नीट परीक्षेच्या प्रश्नपत्रिका फुटीच्या प्रकरणावर भाष्य करताना सरकारने तातडीने कारवाई केल्याचे सांगितले. जबाबदार व्यक्तींना उत्तरदायी धरून त्यांच्यावर कठोर पावले उचलण्यात आली, तसेच ज्या ठिकाणी गरज भासली तेथे पुनर्परीक्षाही घेण्यात आल्याचे त्यांनी स्पष्ट केले. प्रश्नपत्रिका फुटीला त्यांनी घोर पाप संबोधत भविष्यात अशा घटना टाळण्यासाठी सर्व राज्य सरकारांनी एकत्रितपणे काम करण्याचे आवाहन केले..राष्ट्रीय परीक्षा संस्थेमार्फत घेतल्या जाणाऱ्या राष्ट्रीय प्रवेश परीक्षांमध्ये वारंवार होत असलेल्या प्रश्नपत्रिका लीक घटना आणि परीक्षांतील अनियमिततेच्या मुद्द्यावर काँग्रेसचे खासदार हिबी ईडन यांनी लोकसभेत स्थगन प्रस्तावाची नोटीस दिली आहे. या गंभीर प्रकारामुळे विद्यार्थ्यांचे भवितव्य धोक्यात येत असल्याचा मुद्दा उपस्थित करत या प्रकरणावर तातडीने चर्चा करण्याची मागणी त्यांनी केली आहे. .दिल्लीतील रुग्णालयात बहुविद्याशाखीय तज्ज्ञांच्या देखरेखीखाली सोनम वांगचुक यांच्यावर उपचार सुरू असून सध्या त्यांचे व्हायटल्स स्थिर असल्याची माहिती डॉक्टरांनी दिली आहे. मात्र त्यांच्या रक्तातील साखरेचे प्रमाण सातत्याने कमी राहत असून पोटॅशियमची पातळीही कमी आढळली आहे. त्याचबरोबर रक्तातील लाल व पांढऱ्या पेशींची संख्या कमी असल्याने त्यांच्या प्रकृतीवर सातत्याने लक्ष ठेवले जात आहे. शरीरातील पाण्याची कमतरता भरून काढण्यासाठी तसेच पोटॅशियमची औषधे तोंडावाटे दिली जात असली तरी शिरेवाटे उपचार आणि ग्लुकोज देण्यास त्यांनी नकार कायम ठेवला आहे. दीर्घकाळ सुरू असलेल्या उपोषणामुळे निर्माण झालेल्या शारीरिक ताणाच्या पार्श्वभूमीवर त्यांच्यावर सतत Medical Supervision आणि Continuous Clinical Monitoring ठेवणे अत्यावश्यक असल्याचे डॉक्टरांनी स्पष्ट केले आहे. .दिल्लीमध्ये राष्ट्रीय लोकशाही आघाडीच्या संसदीय पक्षाची बैठक आणि मंगळ मिलन कार्यक्रमाला सुरुवात झाली आहे. या बैठकीला पंतप्रधान नरेंद्र मोदी यांच्यासह आघाडीतील प्रमुख नेते उपस्थित असून आगामी राजकीय घडामोडी आणि विविध महत्त्वाच्या विषयांवर चर्चा होण्याची शक्यता आहे..प्रश्नपत्रिका फुटीच्या प्रकरणावरून तसेच काल झालेल्या आंदोलनादरम्यान पोलिसांनी केलेल्या कारवाईच्या निषेधार्थ आजाद समाज पक्षाचे प्रमुख आणि खासदार चंद्रशेखर आजाद यांनी संसदेच्या परिसरात धरणे आंदोलन सुरू केले आहे. केंद्रीय शिक्षणमंत्र्यांनी नैतिक जबाबदारी स्वीकारून राजीनामा द्यावा, अशी मागणी त्यांनी यावेळी केली..जंतर मंतर येथे सुरू असलेल्या आंदोलनादरम्यान अभिजीत दिपके आणि पोलिसांमध्ये वाद झाल्याची घटना समोर आली आहे. या घटनेनंतर आंदोलनाच्या ठिकाणी काही काळ तणावाचे वातावरण निर्माण झाले. आंदोलनात सहभागी झालेले कार्यकर्ते आणि समर्थक मोठ्या संख्येने उपस्थित असून आंदोलन अद्यापही सुरू आहे. परिस्थितीवर नियंत्रण ठेवण्यासाठी पोलिसांकडून बंदोबस्त वाढविण्यात आला असून घडामोडींवर लक्ष ठेवले जात आहे..संसदेच्या पावसाळी अधिवेशनात आज राज्यसभेत केंद्रीय गृहमंत्री अमित शहा राष्ट्रीय सन्मानाचा अवमान रोखण्यासाठीच्या दुरुस्ती विधेयकाला सभागृहात मांडण्याची परवानगी मागणार आहेत. त्यानंतर हे विधेयक मंजूर करण्याचा प्रस्तावही ते सभागृहासमोर सादर करणार असून या विषयावरील चर्चेकडे सर्वांचे लक्ष लागले आहे..कालच्या मोर्चादरम्यान पोलिसांनी आंदोलकांवर अमानुष लाठीमार केल्याचा गंभीर आरोप आंदोलनाच्या राष्ट्रीय प्रवक्त्यांनी केला आहे. त्यांनी सांगितले की, अनेक युवकांना बेदम मारहाण करण्यात आली, काहींच्या डोक्याला गंभीर दुखापत झाली, तर एका स्वयंसेवकाच्या बरगड्यांनाही दुखापत झाली. तसेच आंदोलनातील एका महिला नेत्या यांना वाहनातून खाली उतरवताना त्यांच्याशी गैरवर्तन झाल्याचाही आरोप करण्यात आला. या घटनेमुळे आंदोलन आणखी व्यापक होणार असून अधिकाधिक लोक राजधानीत सहभागी होतील, असा दावा त्यांनी केला. शिक्षणमंत्र्यांच्या राजीनाम्याची मागणी पूर्ण होईपर्यंत आंदोलन सुरूच राहील, असेही त्यांनी स्पष्ट केले. सरकारसोबत झालेल्या चर्चेत कोणताही तोडगा निघाला नसून पाच तास वाया गेल्याचा आरोप करत, पुढील चर्चा करायची असल्यास सरकारनेच आंदोलनस्थळी यावे, अशी भूमिका त्यांनी मांडली..दिल्लीतील जंतरमंतर परिसरात काल झालेल्या आंदोलनानंतर आज सकाळी कडेकोट पोलीस बंदोबस्त तैनात करण्यात आला आहे. काल संसदेकडे काढण्यात आलेल्या मोर्चादरम्यान परिस्थिती चिघळल्याने हिंसाचार झाला होता. या घटनेत अनेक वरिष्ठ अधिकाऱ्यांसह शंभरहून अधिक पोलीस कर्मचारी जखमी झाले असून सुमारे 70 आंदोलनकर्त्यांना ताब्यात घेण्यात आले आहे. सध्या परिसरात शांतता असून सुरक्षेच्या दृष्टीने पोलीस यंत्रणा सतर्क आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Live Updates Marathi : पंतप्रधान मोदींच्या घरासमोर विरोधकांचा मोर्चा, राहुल गांधीही उपस्थित

पंतप्रधान मोदींच्या निवासस्थानी विरोधकांचा मोर्चा, राहुल गांधीही उपस्थित

Related Stories

Maharashtra Updates Marathi : राज्यासह देशविदेशात दिवसभरात काय काय घडलं? वाचा एका क्लिकवर...

Latest Marathi News Update : राज्यासह देशभरात दिवसभरात काय काय घडलं? वाचा एका क्लिकवर...

दिवसभरातील महत्त्वाच्या घडामोडी वाचा एका क्लिकवर...

Marathi News Updates: राज्यासह देशात विदेशात आज कुठे काय घडलं? जाणून घ्या...