Sudden major shift in weather; Heavy rain alert with stormy winds in over 30 districts
Sakal
परतीच्या मान्सूनच्या काळात देशातील हवामानात अचानक मोठा आणि अनपेक्षित बदल झाला असून, अनेक भागांत वादळी वारे, मुसळधार पाऊस आणि गारपिटीने प्रचंड हाहाकार माजवला आहे. ताशी २२ ते २६ किलोमीटर वेगाने वाहणारे वारे आणि विजेच्या कडकडाटासह झालेल्या पावसामुळे झाडे व भिंती कोसळून, तसेच वीज पडून पाच जणांचा दुर्दैवी मृत्यू झाला आहे. हवामानातील या बदलाचा मोठा तडाखा उत्तर प्रदेशातील अनेक जिल्ह्यांना बसला असून, हवामान खात्याने ३० हून अधिक जिल्ह्यांमध्ये वादळी वाऱ्यासह पावसाचा इशारा देत ‘यलो अलर्ट’ जारी केला आहे.
