'हे बजरंगबली, कुछ नए नारे बताओ'; 'त्या' फोटोमुळे अनुराग ठाकूर फुल्ल ट्रोल

नवी दिल्ली : 'मोदी सरकार 2'चा दुसरा अर्थसंकल्प आज (ता. 1) पार पडला. केंद्रीय मंत्री निर्मला सितारामन यांनी हा अर्थसंकल्प सादर केला. त्यांच्यासह केंद्रीय अर्थराज्यमंत्री अनुराग ठाकूर यांनी यात महत्त्वाची भूमिका निभावली. केंद्रीय अर्थसंकल्प तयार करण्यापासून ते आज राष्ट्रपती रामनाथ कोविंद यांच्या भेटीपर्यंत ते सितारामन यांच्यासोबत होते. मात्र आज सकाळी त्यांचा एक फोटो एएनआयवर शेअर करण्यात ज्यामुळे ते प्रचंड ट्रोल झाले आहेत... काय आहे तो फोटो?

ताज्या बातम्यांसाठी डाऊनलोड करा ई-सकाळचे ऍप

कोणतेही चांगले काम करण्यापूर्वी देवाचा व थोरामोठ्य़ांचा आशीर्वाद घेण्याची परंपरा आहे. मंत्री अनुराग ठाकूर यांनीही बजेट सादरीकरणापूर्वी घरात देवाचा आशीर्वाद घेतला. तसेच बंगल्याबाहेर येऊन त्यांनी हनुमानाचे दर्शन घेतले. हनुमानाचे दर्शन घेतानाचा हाच फोटो एएनआयवर पोस्ट करण्यात आला. काहींनी या फोटोचे दर्शन घेतले, तर काहींनी त्यांना चांगलेच ट्रोल केले आहे. 

Budget 2020 : अर्थव्यवस्थेला उभारी देण्याचा प्रयत्न; प्राप्तीकरातून दिलासा

घरात काही देव नाहीत का, म्हणून बाहेर येऊन दर्शन घेताय, ज्यादा बजट मांगने वालों को, गोली मारो सालो को, फोटोसाठी नौटंकी करत आहेत, हा पब्लिसीटी स्टंट आहे, अशा प्रकारच्या कमेंट्स या फोटोवर येत आहेत. 

Budget 2020 : अर्थसंकल्पात महिलांसाठी काहीही नवीन नाही : सुप्रिया सुळे

काही दिवसांपूर्वीच दिल्ली निवडणूकीसाठीच्या एका प्रचारसभेत ठाकूर यांनी 'देश के गद्दारों को, गोली मारो सालोंको' अशा प्रकारच्या आक्षेपार्ह घोषण उपस्थितांकडून म्हणून घेतल्या होत्या. यामुळे त्यांच्यावर मोठ्या प्रमाणात टीका झाली होती. त्यानंतर आज शेअर झालेल्या या फोटोमुळे पुन्हा एकदा सोशल मीडियावर त्यांना ट्रोल करणयात येत आहे.