Bomb Threat : मॉस्कोहून गोव्याला येणाऱ्या चार्टर्ड फ्लाइटमध्ये बॉम्ब? जामनगरमध्ये इमर्जन्सी लँडिंग

bomb threat updates : मॉस्कोहून गोव्याला जाणाऱ्या चार्टर्ड विमानात बॉम्ब असल्याची माहिती मिळाल्यानंतर खळबळ उडाली. गोवा एटीसीला एक मेल आला होता, ज्यामध्ये विमानात बॉम्ब असल्याची माहिती देण्यात आली होती. यानंतर विमानाचे तात्काळ जामनगरमध्ये इमर्जन्सी लँडिंग करण्यात आले. विमानातील सर्व प्रवाशांना सुखरूप बाहेर काढण्यात आले आहे. दरम्यान विमानाचा तपासणी सुरू आहे.

बॉम्ब शोधक पथक दाखल

जामनगर विमानतळावर बॉम्ब शोधक पथक आणि एटीएस दाखल झाले असून विमान आयसोलेशन बेमध्ये आहे आणि पुढील तपास सुरू आहे. मॉस्को-गोवा चार्टर्ड फ्लाइटमधील सर्व 244 प्रवाशांना रात्री 9.49 च्या सुमारास सुरक्षितपणे विमानतळावर उतरवण्यात आले, असे जामनगर विमानतळ संचालकांनी सांगितले.