लंडन: देशाचे माजी सॉलिसिटर जनरल आणि प्रसिद्ध वकील हरीश साळवे यांनी वयाच्या ६८ व्या वर्षी तिसरे लग्न केले आहे.हरीश साळवे हे केंद्र सरकारच्या नव्याने स्थापन झालेल्या वन नेशन-वन इलेक्शन समितीचे सदस्य देखील आहेत.
देशातील सर्वात महागडे वकील अशी ओळख असलेल्या हरीश साळवे यांनी नुकतेच ट्रिना यांच्यासोबत थाटामाटात लग्नगाठ बांधली. यापूर्वी, मीनाक्षी (पहिली पत्नी) आणि कॅरोलिन ब्रॉसार्ड (२०२०) यांच्याशी त्यांचे लग्न झाले होते. साळवे आणि मीनाक्षी यांचा ३८ वर्षांच्या लग्नानंतर जून २०२० मध्ये घटस्फोट झाला. त्यांना साक्षी आणि सानिया या दोन मुली आहेत.
हरीश साळवे यांच्या लग्नाला नीता अंबानी, ललित मोदी यांच्यासह अनेक जवळचे मित्र आणि कुटुंबीय उपस्थित होते. सुप्रीम कोर्टात प्रॅक्टिस करणारे ६८ वर्षीय वकील साळवे यांनी कुलभूषण जाधव यांच्यासह अनेक हाय-प्रोफाइल केसेस हाताळल्या आहेत.
काही वर्षांपूर्वीच त्यांनी आपल्या ब्रिटीश मैत्रीणीशी विवाह केला होता. कॅरोलिन ब्रॉसर्ड असं या मैत्रीणीचं नाव आहे. त्यांनी लंडनमधील चर्चमध्ये हा विवाह केला होता.
कोरोनामुळे या विवाहात हरिश साळवे यांच्या मित्रांना लोकांना जाता आले नव्हते. पण काही महत्वाच्या आणि साळवे यांच्या जवळच्या लोकांनी या विवाहास वर्चुअल (ऑनलाईन) हजेरी लावली होती. महत्वाचे म्हणजे त्यात रिलायन्स उद्योगसमुहाचे प्रमुख मुकेश अंबानीही वर्चुअली सामील झाले होते. यामध्ये अंबानी यांनी या दोघांनाही शुभेच्छा दिल्या होत्या.
हरिश साळवे यांनी या लग्नाआधी काहीच महिन्यापूर्वी आपल्या पहिल्या पत्नीशी म्हणजे मीनाक्षी यांच्यापासून घटस्फोट घेतला होता. हरिश आणि मीनाक्षी यांचा संसार 38 वर्षांचा होता आणि त्यांना दोन मुलीसुद्धा आहेत.
ख्रिश्चन असलेल्या आपल्या मैत्रीणीशी विवाह करण्याआधी त्यांनी आपला धर्म देखील बदलला आहे. गेल्या काही वर्षांपासून साळवे हे कॅरोलिनसोबत उत्तर लंडनमधील चर्चमध्ये जात होते.
हरिश साळवे हे भारतातील सुप्रसिद्ध वकील आहेत. भारत सरकारने त्यांना सॉलिसिटर जनरल म्हणून नियुक्त केलं होतं. 2019 मध्ये साळवे यांनीच पाकच्या ताब्यात असलेल्या भारताच्या कुलभूषण जाधव यांची आंतरराष्ट्रीय न्यायालयात बाजू मांडली होती. हरिश साळवे एका केससाठी लाखो रूपये फी घेतात. मात्र, कुलभूषण केसमध्ये त्यांनी केवळ एक रुपया इतकेच शुल्क घेतले होते.
हरिश साळवे यांनी नागपूरमध्ये शिक्षण घेतले आहे. ते 1976 मध्ये दिल्लीला आले होते. सध्याचे सरन्यायाधीश शरद बोबडे यांच्यासोबतच त्यांचेही शालेय शिक्षण झाले आहे. हा लग्नसोहळा अत्यंत छोटेखानी स्वरुपात पार पडला. यात केवळ 15 लोक सामिल होते.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.