श्रीकाकुलम : आंध्र प्रदेशात ‘असनी’ चक्रीवादळाच्या पार्श्वभूमीवर रेड अलर्ट जारी करण्यात आला असून, राज्यातील काकीनाडा येथे असनी चक्रीवादळामुळे जोरदार वारे वाहत आहेत. या सर्वामध्ये राज्यातील श्रीकाकुलम येथील सुन्नापल्ली सी हार्बर येथे सोन्याचा रंग असलेला रथ समुद्रांच्या लांटांमधून वाहत आल्याचे समोर आले आहे. त्यानंतर या परिसरात विविध चर्चांना उधाण आले असून, हा रथ पाहण्यासाठी नोगरिकांनी मोठ्या प्रमाणात गर्दी केली आहे. मंगळवारी संध्याकाळी सोन्याचा थर असलेला एक सुंदर रथ समुद्राच्या लाटांमध्ये वाहत आला. याबाबत एएनआय वृत्तसंस्थेने व्हिडिओ ट्वीट केला आहे.
आढळून आलेल्या रथाचा व्हिडिओ सोशल मीडियावर मोठ्या प्रमाणात व्हायरल होत असून, व्हिडिओममध्ये काही नागरिक रथ दोरीच्या सहाय्याने किनाऱ्यावर ओढत आणत असल्याचे दिसून येत आहे. दरम्यान, या घटनेची माहिती गुप्तचर विभागाला देण्यात आली असल्याचे श्रीकाकुलम जिल्ह्यातील नौपाडाच्या उपनिरीक्षकाने सांगितले आहे. तसेच हा रथ दुसऱ्या एखाद्या देशातूनही वाहून आलेला असू शकतो अशी शक्यता एसआयने बोलताना व्यक्त केली आहे.
रथ नेमका कसा?
श्रीकाकुलम येथील सुन्नापल्ली सी हार्बर येथे आढळून आलेला सोन्याचा रंगाच्या रथाचा आकार आग्नेय आशियाई देशांतील मठांसारखा असून, असनी चक्रीवादळाच्या प्रभावामुळे पाण्याच्या प्रवाहासोबत हा रथ येथे पोहोचला असावा असा अंदाज व्यक्त केला जात आहे.
असनी चक्रीवादळ कमकुवत
दरम्यान, हवामान विभागाने तीव्र चक्रीवादळ असनी पूर्वीच्या तुलनेत बुधवारी किंचित कमकुवत झाले असून, ते उत्तर कोस्टल आंध्र प्रदेशकडे सरकले असल्याचे म्हटले आहे. तसेच हे चक्रीवादळ किनारपट्टीपासून दूर जाण्याची आणि गुरुवारपर्यंत अधिक कमकुवत होण्याची शक्यताही हवामान खात्याने वर्तवली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
