नवी दिल्ली : नॅशनल बोर्ड ऑफ एक्झामिनेशनने (NBE) बुधवारी NEET PG परीक्षांचे निकाल जाहीर केले असून ज्या उमेदवारांनी परीक्षा दिली होती ते त्यांचे निकाल अधिकृत वेबसाइट natboard.edu.in वर पाहू शकणार आहेत, अशी माहिती केंद्रीय आरोग्य मंत्री मनसुख मांडविया यांनी दिली आहे. यंदा NBE ने विक्रमी 10 दिवसात NEET PG चा निकाल जाहीर केला आहे. 21 मे 2022 रोजी परीक्षा घेण्यात आली होती. जाहीर करण्यात आलेला निकाल विद्यार्थ्यांना nbe.edu.in वर पाहता येणार आहे. (NEET PG 2022 Result Declared )
NEET PG चा निकाल जाहीर झाल्यानंतर आरोग्य मंत्री मनसुख मांडविया यांनी ट्वीट करून पात्र विद्यार्थ्यांचे अभिनंदन केले आहे. यात त्यांनी लिहिले आहे की, "NEET PG चा निकाल जाहीर झाला असून, NEET-PG उत्तीर्ण झालेल्या सर्व विद्यार्थ्यांचे अभिनंदन केले आहे. याशिवाय त्यांनी विक्रमी दहा दिवसांत निकाल जाहीर केल्याबद्दल @NBEMS_INDIA चेदेखील कौतुक केले आहे.
असा बघता येणार निकाल
निकाल पाहण्यासाठी natboard.edu.in ला भेट द्या.
NEET PG चा निकाल तपासण्यासाठी प्रथम अधिकृत वेबसाइट natboard.edu.in वर जा.
आता तुम्हाला होम पेजवर NEET PG निकालाची लिंक दिसेल, त्यावर क्लिक करा.
यानंतर तुमचा नोंदणी क्रमांक टाकून सबमिट केल्यानंतर तुम्हाला तुमचा NEET PG चा निकाल समोर दिसेल.
सर्वोच्च न्यायालयाकडून परीक्षा घेण्यासाठी ग्रीन सिग्नल मिळाल्यानंतर, NEET-PG 2022 परीक्षा 21 मे रोजी देशातील 267 शहरांमधील 849 केंद्रांवर घेण्यात आली. यामध्ये एकूण 2 लाख 06 हजार 301 विद्यार्थी परीक्षेला बसणार होते. मात्र, त्यातील केवळ 1 लाख 82 हजार 318 विद्यार्थ्यांनी परीक्षा दिली. घेण्यात आलेल्या परीक्षेत 200 बहुपर्यायी प्रश्न विचारण्यात आले होते.
सुप्रीम कोर्टाने NEET PG पुढे ढकलण्यास दिला होता नकार
सुप्रीम कोर्टाने अलीकडेच NEET PG 2022 ला पुढे ढकलण्यास नकार दिला होता. NEET PG पुढे ढकलल्याने अनिश्चितता निर्माण होईल आणि परीक्षेसाठी नोंदणी केलेल्या विद्यार्थ्यांच्या मोठ्या वर्गावर परिणाम होईल. तसेच, तपासणीस उशीर झाल्यास डॉक्टरांची अनुपलब्धता होईल आणि रुग्णांच्या सेवेवर गंभीर परिणाम होईल असे मत न्यायमूर्ती डीवाय चंद्रचूड आणि सूर्यकांत यांच्या खंडपीठाने दिले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
