- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
मुंबई : कोरोनाच्या कालच्या नवीन बाधितांच्या तुलनेत आज राज्यात नव्या बाधितांच्या संख्येमध्ये वाढ पाहण्यात मिळली आहे. गेल्या 24 तासात राज्यातील नव्या कोरोना बाधितांच्या संख्येने (Maharashtra Corona Update) एक हजारांचा टप्पा पार केला आहे. त्यामुळे प्रशासनासह नागरिकांच्या चिंतेत भर पडली आहे. मागील काही दिवसांपासून राज्यातील कोरोना रुग्णांची संख्या झपाट्याने वाढत असल्याने राज्य सरकारकडून सावध पावलं उचलण्यास सुरुवात करण्यात आली आहे. (Maharashtra Corona Update)
आरोग्य विभागाने दिलेल्या माहितीनुसार, बुधवारी राज्यात 1,080 नवे रुग्ण आढळून आले असून, एकाही कोरोना रुग्णांचा मृत्यू झालेला नाही ही त्यातील दिलासादायक बाब आहे. तर 524 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 98.07 टक्क्यांवर गेले आहे. सध्या राज्यातील मृत्यूदर 1.87 टक्के एवढा असून, राज्यात सध्या 4 हजार 32 सक्रीय रुग्ण आहेत.
मुंबईतील आकडेवारी वाढती
दरम्यान, एकीकडे राज्यात पुन्हा एकदा कोरोना बाधितांची संख्या वाढत असताना बाधित होणाऱ्यांची सर्वाधिक संख्या मुंबईत आहे. त्यामुळे मुंबईकरांची चिंता वाढताना दिसून येत आहे. मुंबईत गेल्या 24 तासात 739 नवे कोरोना रुग्ण आढळले आहेत. सध्या राज्यात सक्रीय रुग्णांची संख्या चार हजार 32 इतकी झाली असून, सर्वाधिक सक्रीय रुग्ण मुंबई, ठाणे आणि पुण्यात आहेत. मुंबईत 2970, ठाणे 452 आणि पुण्यात 357 सक्रीय रुग्ण आहेत. (Mumbai Corona Cases Update)
मुंबईतील कोरोना पॉझिटिव्हिटी रेट 6 टक्क्यांवर; अलर्ट राहण्याच्या सूचना
मुंबईतदेखील नव्या कोरोना बाधितांच्या संख्येत वाढ होताना दिसत असून, येथील रूग्ण बाधित होण्याचा दर 6 टक्क्यांवर पोहोचला आहे. त्यामुळे काहिशी चिंता व्यक्त केली जात आहे. दरम्यान, मुंबईतील वाढता पॉझिटिव्हिटी रेट लक्षात घेता कोविड चाचण्या करण्याला गती दिली जाईल, असे मुंबई महापालिकेकडून (BMC Guideline On Corona) स्पष्ट करण्यात आले आहे. यानंतर शहरातील लक्षणे असणाऱ्या नागरिकांच्या चाचण्या युद्धपातळीवर वाढवण्याच्या सूचनांसह प्रयोगशाळा सुसज्ज ठेवण्यास सांगण्यात आले आहे.
मुंबई महापालिकेच्या सूचना काय
वाढत्या पॉझिटिव्हिटी रेटनंतर मुंबईतील कोरोना चाचण्यांची संख्या युद्धपातळीवर वाढवण्यात येणार आहे. तसेच टेस्टिंग लॅब आणि कर्मचाऱ्यांनी पूर्वतयारी करण्याच्या सूचना देण्यात आल्या आहेत.
१२ ते १८ वयोगटातील लसीकरण वाढवावे, तसेच बुस्टर डोसची संख्याही वाढवावी.
जंबो कोविड सेंटर पुन्हा सज्ज करावेत. डॉक्टर आणि कर्मचाऱ्यांना अलर्ट करावेत
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
