New Delhi : नवीन संसद भवनाच्या बांधकामासाठी गोव्याची माती वापरली जाणार

नवी दिल्ली : संसदेच्या नवीन इमारतीच्या बांधकामासाठी आता गोव्याच्या मातीचा वापर होणार आहे. यासाठी गोव्यातील विविध भागातून गोळा केलेली माती दिल्लीत आणण्यात आली आहे. केंद्रीय सांस्कृतिक मंत्री जी. किशन रेड्डी यांनी शनिवारी गोव्याचे मुख्यमंत्री प्रमोद सावंत यांच्याकडून ही माती स्विकारली आहे.

यासंदर्भात मंत्री जी. किशन रेड्डी यांनी एक ट्वीट केलं आहे. गोव्यातील वेगवेगळ्या प्रदेशातून गोळा केलेली गोवन माती नवी दिल्लीत उभारलेल्या नवीन संसदेच्या उभारणीसाठी योगदान देणार आहे. दरम्यान, गोव्याचे मुख्यमंत्री प्रमोद सावंत यांच्याकडून ही माहिती मिळाली आहे.

पंतप्रधान नरेंद्र मोदी यांनी 10 डिसेंबर रोजी संसदेच्या नवीन इमारतीची पायाभरणी केली आहे. नवीन संसद भवनाची पायाभरणी पंतप्रधान नरेंद्र मोदी यांच्या हस्ते 10 डिसेंबर 2020 रोजी करण्यात आली. पंतप्रधानांनी म्हटंले होते की, नवीन इमारत 'आत्मनिर्भर भारत' च्या व्हिजनचा एक अंगभूत भाग आहे. स्वातंत्र्यानंतर प्रथमच लोकसंसद बांधण्याचा ऐतिहासिक प्रसंग असणार आहे. जे 75 वा वर्धापन दिन साजरा करत आहोत.

11 जुलै 2022 रोजी पंतप्रधान मोदींनी संसदेच्या नवीन इमारतीवरील अशोक स्तंभाचे अनावरण केले आहे. कांस्यपासून बनवलेला अशोकस्तंभ 6.5 मीटर उंच आहे. यादरम्यान पंतप्रधानांनी नवीन संसदेच्या उभारणीत गुंतलेल्या कामगारांशीही संवाद साधला. यावेळी लोकसभा अध्यक्ष ओम बिर्ला, केंद्रीय मंत्री हरदीप सिंग पुरी उपस्थित होते.