नवी दिल्ली : आरे येथील कारशेडविरोधातील याचिकेवर आज सुप्रीम कोर्टात सुनावणी पार पडली. दोन्ही बाजूंचा युक्तीवाद ऐकून घेतल्यानंतर कोर्टानं या प्रकरणाची सुनावणी १० ऑगस्टपर्यंत पुढे ढकलली. तोपर्यंत राज्य सरकारला आरेमधील एकही झाड न तोडण्याचे निर्देश दिले. (Next hearing about Aarey CarShed on August 10 Instructions not to cut any tree)
आजच्या सुनावणीत दोन महत्वाच्या गोष्टींवर सुप्रीम कोर्टानं भाष्य केलं. एक म्हणजे दहा तारखेला नवं खंडपीठ या प्रकरणावर सुनावणीसाठी नेमलं जाणार आहे. तसेच तोपर्यंत एकही झाड तोडू नये असे निर्देश देण्यात आले आहेत. तसेच सुप्रीम कोर्टात राज्य सरकारची बाजू मांडणारे सॉलिसिटर जनरल तुषार मेहता यांनी याचिकाकर्त्यांवर गंभीर आरोप केला.
याचिकाकर्त्यांनी या प्रकरणात सुप्रीम कोर्टाला चुकीची माहिती दिल्याचा आरोप मेहता यांनी केला. याचिकारर्त्यांनी कोर्टात जे फोटो सादर केले आहेत ते खोटे आहेत. इतर कुठल्यातरी जागेवरचे हे फोटो त्यांनी कोर्टात सादर केले आहेत, असं त्यांनी म्हटलं आहे. मात्र, सन २०१९ मधील आदेश कायम ठेवत पुढील सुनावणीपर्यंत आरेमधील एकही झाड न तोडण्याचे निर्देश सुप्रीम कोर्टाने दिले आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.