Nitin Gadkari | सर्व गाड्यांसाठी 'हे' सेफ्टी फीचर होणार अनिवार्य; नितीन गडकरींची माहिती | Sakal
sakal

बोलून बातमी शोधा

nitin gadkari in parliament says government making 6 airbags mandatory in all passenger cars

सर्व गाड्यांसाठी 'हे' सेफ्टी फीचर होणार अनिवार्य; नितीन गडकरींची माहिती

केंद्रीय रस्ते वाहतूक आणि महामार्ग मंत्री नितीन गडकरी यांनी सरकार सर्व वाहनांसाठी सहा एअरबॅग अनिवार्य करत असल्याची घोषणा केली आहे. त्यांनी राज्यसभेत काँग्रेस खासदार केटीएस तुलसी यांच्या प्रश्नाला उत्तर देताना सांगितले की, आता इकॉनॉमिक मॉडेलसाठी देखील सहा एअरबॅग अनिवार्य असणार आहेत. (6 Airbags Mandatory in All Passenger Cars)

नितीन गडकरी यांनी सभागृहात सांगितले की, इलेक्ट्रिक वाहने (EVs) सरकारने ठरवून दिलेल्या सुरक्षा स्टँडर्ड्सनुसार तयार केली पाहिजेत. इलेक्ट्रिक वाहनांसाठी भारतातील सुरक्षा स्टँडर्ड जागतिक स्टँडर्सच्या बरोबरीचे आहेत. तसेच भारतात दरवर्षी पाच लाख रस्ते अपघात होतात, त्यात दीड लाख लोकांचा मृत्यू होतो असे देखील त्यांनी पुढे बोलताना सांगतीले. दरम्यान देशात काही इलेक्ट्रिक स्कूटर्सना आग लागल्याच्या घटना समोर आल्यानंतर सुरक्षेबाबत चिंता वाढली आहे अशा वेळी हा निर्णय घेण्यात आला आहे. मंगळवारी, गडकरी यांनी प्रादेशिक अधिकारी आणि राष्ट्रीय महामार्गांच्या (National Highways) प्रकल्प संचालकांना चालू प्रकल्पांमध्ये योग्य रस्ते सुरक्षा उपायांची खात्री करण्यास सांगितले होते.

हेही वाचा: Google Pay ने लाँच केलं टॅप टू पे फीचर; पेमेंट करणं होईल आणखी सोप्पं

दरम्यान नितीन गडकरी यांनी सांगितले हे की 1 ऑक्टोबर 2022 पासून उत्पादित केलेल्या सर्व नवीन कारमध्ये स्टँडर्ड सुरक्षा म्हणून 6 एअरबॅग असणे अनिवार्य होईल. रस्ते वाहतूक आणि महामार्ग मंत्रालयाने जानेवारी 2022 मध्ये मसुदा अधिसूचनेला मंजुरी दिली होती. अधिसूचनेनुसार, 8 प्रवासी बसण्याची क्षमता असलेल्या आणि 3.5 टन (म्हणजे M1 श्रेणीतील वाहने) पेक्षा कमी वजन असलेल्या सर्व कारमध्ये 6 एअरबॅग अनिवार्य असतील. 1 जानेवारी 2022 पासून सर्व वाहनांमध्ये ड्युअल फ्रंट एअरबॅग्ज अनिवार्य करण्यात आल्या आहेत.

हेही वाचा: लॉंच होताच Maruti ही कार ठरतेय हीट; ग्राहकांकडून प्रचंड मागणी

नितीन गडकरी यांच्या अध्यक्षतेखाली रस्ते वाहतूक आणि महामार्ग मंत्रालयाशी संलग्न असलेल्या संसद सदस्यांच्या सल्लागार समितीची पहिली बैठक 24 मार्च रोजी झाली. ही बैठक रस्ते सुरक्षेशी संबंधित विविध मुद्द्यांवर चर्चा करण्यासाठी आयोजित करण्यात आली होती.

हा नियम लागू झाल्यानंतर रस्ते अपघातात होणाऱ्या मृत्यूंच्या संख्येत घट होऊ शकेल, असा सरकारचा विश्वास आहे. त्याचबरोबर प्रत्येक व्यक्तीच्या सुरक्षिततेसाठी वाहनात एअरबॅग असणे आवश्यक असणार आहे.

हेही वाचा: वाहनांच्या फिटनेस टेस्टची चिंता सोडा; सरकार बदलणार नियम

Web Title: Nitin Gadkari In Parliament Says Government Making 6 Airbags Mandatory In All Passenger Cars

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Nitin GadkariAutomobile
go to top