नितीन गडकरी म्हणतात,मोदी सदैव भारतीयांसाठी प्रेरणास्त्रोत राहतील

नवी दिल्ली : आज गुरुवारी (ता.चार) पंतप्रधान नरेंद्र मोदी हे जम्मू व काश्मीरमधील नौशेरा येथे भारतीय जवानांबरोबर दिवाळी साजरा करित आहेत. पहाटेच मोदी हे दिल्लीतून नौशेराकडे रवाना झाले होते. मोदींच्या या आगळ्या-वेगळ्या (Narendra Modi) दिवाळीचे केंद्रीय रस्ते व वाहतूक मंत्री नितीन गडकरी यांनी कौतुक केले आहे. आपल्या ट्विटमध्ये गडकरी म्हणतात, की आदरणीय पंतप्रधान नरेंद्र मोदीजी आपल्या जवानांबरोबर नौशेरा येथे दिवाळी साजरी करित आहेत. ही त्यांनी स्वतः एक चांगली परंपरा सुरु केली आहे. (Nitin Gadkari)

मोदीजी सदैव भारतीयांसाठी प्रेरणास्त्रोत राहतील, असा विश्वास नितीन गडकरी यांनी व्यक्त केला आहे. नुकतेच मोदी हे जी-२० देशांची परिषद आणि हवामान बदल परिषदेसाठी युरोपला गेले होते. बुधवारी (ता.तीन) त्यांनी देशातील कमी कोरोना लसीकरण झालेल्या जिल्ह्यांच्या जिल्हाधिकाऱ्यांशी संवाद साधला.