मटण न मिळाल्यामुळे तिला भर मांडवात सोडलं

आपल्या लाडक्या लेकीचं मोठं धुमधडाक्यात लग्न wedding व्हावं अशी प्रत्येक आई-वडिलांची इच्छा असते. त्यामुळे संपूर्ण आयुष्यभर कष्ट करुन आई-वडील मुलीच्या लग्नासाठी पैसे जमा करत असतात. मात्र,अनेकदा ऐन लग्नात अशा काही घटना घडतात, ज्यामुळे वर्षांपासून पाहत असलेलं आई-वडील स्वप्न अवघ्या क्षणार्धात उद्धवस्त होतं.असाच काहीसा प्रकार ओडिसामध्ये odisha घडला आहे. लग्नात जेवताना केवळ मटण वाढलं नाही या गोष्टीचा राग आल्यामुळे एका मुलाने भर मांडवात लग्न मोडलं. (odisha-dulha-walks-out-of-wedding-as-baraatis-not-served-mutton)

ओडिसामधील जाजपूर येथे एका लग्नात हा प्रकार घडला आहे. लग्नाची धामधूम सुरु असतानाच मुलीकडच्यांनी मोठ्या थाटात वऱ्हाड्यांचं स्वागत केलं. यात लग्नाचे विधी सुरु असतानाच जेवणात मटण नसल्याचं वऱ्हाड्यांच्या लक्षात आलं. त्यावरुन मुलाकडच्यांनी ऐन लग्नात गोंधळ घालण्यास सुरुवात केली. विशेष म्हणजे लग्न ठरवतानाच लग्नात मटणाचं जेवण हवं असं सांगितलं होतं. तरीदेखील जेवणाची नीट व्यवस्था न केल्यामुळे नवरदेवाच्या रागाचा पारा चढला. आणि, त्याने त्याच क्षणी लग्न मोडलं.

त्याच दिवशी केलं दुसऱ्या मुलीशी लग्न

मटण मिळालं नाही म्हणून लग्न मोडणाऱ्या या मुलाने त्याच दिवशी दुसऱ्या मुलीबरोबर लग्न केल्याचं समोर आलं. लग्नात मटण नसल्यामुळे मुलीकडच्यांनी नवरदेव आणि त्याच्या कुटुंबियांना पुरेपूर समजावण्याचा प्रयत्न केला. मात्र, त्यांनी जराही ऐकून घेतलं नाही आणि लग्न मोडलं. लग्न मोडल्यानंतर हा नवरदेव त्याच्या एका नातेवाईकासोबत त्यांच्या गावी गेला आणि त्याच दिवशी रात्री अन्य एका मुलीबरोबर लग्न केलं.

दरम्यान, या प्रकरणी मुलीकडच्यांनी कोणतीही तक्रार दाखल केली नाही. मात्र, तक्रार दाखल झाली तर नक्कीच या मुलावर कायदेशीर कारवाई करु, असं येथील स्थानिक पोलिसांनी सांगितलं आहे.