OLX Layoffs 2023: गुगल पाठोपाठ 'ही' मोठी कंपनी देणार 1500 कर्मचाऱ्यांना नारळ

OLX Layoffs 2023: जागतिक मंदीच्या सावटामुळे जगभरातील मोठ मोठ्या कंपन्यांकडून मोठ्या प्रमाणात कर्मचारी कपात करण्यात आली आहे.

यातच आता वस्तूंच्या ऑनलाइन खरेदी-विक्रीसाठी लोकप्रिय असलेल्या OLX या प्लॅटफॉर्मनेही कर्मचारी कपात करण्याचा निर्णय घेतला आहे. ही कंपनी 15 टक्के कर्मचाऱ्यांची कपात करणार आहे.

गेल्या काही दिवसांमध्ये जगातील अनेक मोठ-मोठ्या टेक कंपन्यांनी ही कर्मचाऱ्यांना नारळ दिला आहे. यातच OLX ने जाहिर केले आहे की OLX मध्ये कार्यरत असलेल्या जगभरातील कर्मचार्‍यांपैकी 15 टक्के कर्मचाऱ्यांना कामावरून काढून टाकण्यात येणार आहेत.

OLX ने हा निर्णय कंपनीचा व्यापार कमी झाला आहे त्यामुळे हा निर्णय कंपनीने जाहीर केला आहे. या निर्णयाचा फटका 1500 कर्मचाऱ्यांना बसणार आहे.

फायनान्शियल एक्स्प्रेसच्या अहवालानुसार, बदलत्या आर्थिक परिस्थितीच्या पार्श्वभूमीवर OLX खर्च कमी करण्यासाठी आवश्यक पावले उचलत आहे.

याअंतर्गत जगभरात काम करणाऱ्या कर्मचाऱ्यांपैकी 1500 कर्मचाऱ्यांना कामावरून कमी करण्याचा निर्णयही घेण्यात आला आहे.