Reduction in Cylinder Rates : मतदानाच्या दिवशी सिलिंडर दरात कपात

नवी दिल्ली : लोकसभा निवडणूक निकालापूर्वी आणि अंतिम टप्प्यातील मतदानाच्या दिवशी व्यावसायिक सिलिंडरच्या दरात जवळपास ७० रुपयांची कपात झाली आहे. या दरकपातीमुळे आजपासून दिल्लीत व्यावसायिक गॅस सिलिंडर ६९.५० रुपयांनी, कोलकत्यात ७२ रुपयांनी, मुंबईत ६९.५० रुपयांनी आणि चेन्नईमध्ये ७०.५० रुपयांनी स्वस्त झाले आहे.

याआधी एप्रिलमध्ये १९ किलोच्या व्यावसायिक सिलिंडरच्या दरामध्ये ३०.५० रुपयांची कपात झाल्यामुळे प्रति सिलिंडर दर १७६४.५० रुपये झाले होते. व्यावसायिक ‘एलपीजी’ सिलिंडरची किंमत कमी होण्यामागे आंतरराष्ट्रीय बाजारातील कच्च्या तेलाच्या किमतीतील चढ-उतार, कर धोरणातील बदल आणि मागणी ही प्रमुख कारणे असल्याचे सांगितले जात आहे. दरम्यान, इंधन आणि स्वयंपाकाच्या गॅस सिलिंडरच्या (एलपीजी) दरवाढीविरोधात विरोधकांनी निवडणूक प्रचारामध्ये सरकारवर टीकेची झोड उठविली होती.