जम्मू काश्मीर हा भाग नेहमीच वादग्रस्त राहीला आहे. भारत आणि पाकिस्तान या दोन्ही देशांत या प्रदेशावरुन नेहमीच तणावाचे वातावरण राहीलेले आहे. या प्रदेशावर पाकिस्तानने नेहमीच आपला दावा सांगितला आहे. येनकेन प्रकारे या भागावर आपले वर्चस्व प्रस्थापित करण्यासाठी पाकिस्तान नेहमीच कुरघोड्या करत असतो. या भागाचे सौंदर्य नेस्तनाबूत करुन रक्तरंजीत काश्मीरची अवस्था ही पाकिस्तानच्या कुटील डावांमुळेच झाली आहे. मात्र आता काही भारतीय हॅकर्सनी याबाबत एक चांगलेच प्रत्युत्तर दिले आहे. काश्मीर प्रश्नावर सुरु असलेल्या एका ऑनलाईन सेमिनारला हॅक करुन भारतीय हॅकर्सनी जय श्रीरामचे नारे दिल्याची घटना समोर आली आहे. या सेमिनारमध्ये काश्मीर प्रश्नावर चर्चा सुरु होती.
'भारतव्याप्त काश्मीरची 72 वर्षे' असं या सेमिनारचे नाव होते. झूम या ऍप्लिकेशनवर हे सेमिनार आयोजित केले होते. यामध्ये पाकिस्तानचे काही अधिकारी, मानवाधिकार कार्यकर्ते आणि पाकिस्तानच्या काही व्यक्तींनी हा सेमिनार आयोजित केला होता.
या ऑनलाईन वेबिनारमध्ये पाकिस्तानी अधिकाऱ्यांची जम्मू-काश्मीरच्या मुद्यावर चर्चा सुरु होती. या व्हिडीओ कॉन्फरंसिगमध्ये रामाची गाणी ऐकू येत होती. सुरवातीला हनुमानाचे गाणे लागले आणि त्यानंतर मग श्रीरामाचेही गाणे लागले. यामध्ये त्या हॅकर्सचा आवाजही स्पष्टपणे ऐकू येत होता. 'एकही नारा, एकही नाम, जय श्रीराम, जय श्रीराम' अशा घोषणाही देण्यात आल्या.
यामुळे सैरभैर झालेल्या सेमिनारच्या सदस्यांना काहीच कळेनासे झाले. त्यांना वाटलं की, सेमिनारचे आयोजक डॉ. वलीद मलिक यांच्याकडून हे गाणे सुरु झाले. म्हणून त्यांनी हे गाणे बंद करायलाही सांगितले.
यानंतरही अधूनमधून 'आम्ही हिंदुस्थानी आहोत, तुम्ही रडत बसा, जय श्रीराम' अशापद्धतीचे नारे ऐकू येत होते. या एकूण प्रकाराची व्हिडीओ क्लिप सध्या सोशल मीडियावर व्हायरल झाली आहे. याआधी भारतीय हॅकर्सनी पाकिस्तानच्या विद्यापीठांच्या वेबसाईट हॅक केल्याची घटनाही समोर आली होती.
काश्मीर प्रश्नावरुन भारत आणि पाकिस्तानदरम्यान सतत वाद राहिलेले आहेत. याबाबत पाक नेहमीच उद्दाम वागत आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.