Video : पाक दहशतवादी अशी करत होते घुसखोरी...

श्रीनगर : भारत-पाकिस्तान सीमेवरून पाकिस्तानी दहशतवादी भारतीय हद्ददीत घुसखोरी करण्याचा प्रयत्न करत होते. मात्र, भारतीय जवानांनी त्यांच्या दिशेने गोळीबार केल्यानंतर त्यांनी पळ काढला. घुसखोरीचा व्हिडिओ लष्कराने प्रसिद्ध केला आहे.

नियंत्रण रेषेजवळ असलेल्या कुपवाडा सेक्टरमध्ये घुसखोरीच्या प्रयत्न करणारा व्हिडिओ समोर आला आहे. 30 जुलै रोजी पाकिस्तानकडून घुसखोरी करण्याचा प्रयत्न करण्यात आला होता. या व्हिडिओमध्ये पाकिस्तानी दहशतवादी घुसखोरी करण्याचा प्रयत्न करत असल्याचे दिसत असून, ते भारतीय चौक्यांवर हल्ला करण्याच्या प्रयत्नांत होते. त्यांचा हा प्रयत्न भारतीय सेनेने हाणून पाडला.

घुसखोरी करणाऱया दहशतवाद्यांवर जवानांनी गोळीबार केल्यानंतर त्यांनी पळ काढला. व्हिडिओमध्ये दहशतवादी पळ काढताना दिसत आहेत.