संसद भवन कोरोनाच्या विळख्यात; आणखी 119 कर्मचारी संक्रमित

नवी दिल्ली : राजधानी दिल्लीत पुन्हा एकदा कोरोना रुग्णसंख्या वाढली आहे. संसद भवनामध्ये काम करणाऱ्या कर्मचारी आणि सुरक्षा कर्मचाऱ्यांच्या कोरोना टेस्टनंतर तब्बल 119 हून अधिक लोक संक्रमित आढळून आले आहेत. याआधीच जवळपास 400 जण संक्रमित आढळले आहेत.

दिल्लीतील कोरोना रुग्णसंख्या लक्षात घेता केजरीवाल सरकारने दिल्लीतील सर्व खासगी कार्यालये बंद करण्याचे आदेश दिले आहेत. दिल्लीत सोमवारी पॉझिटिव्हिटी रेट 25 टक्क्यांपर्यंत पोहोचला आहे. दिल्ली सरकारच्या दिलेल्या माहितीनुसार, सध्या 1912 कोरोना रुग्ण रुग्णालयात भरती आहेत. यांपैकी 443 रुग्ण आयसीयूत, 503 ऑक्सिजन सपोर्टवर तर 65 जण व्हेंटिलेटरवर आहेत. दिल्लीत सोमवारी कोरोनाचे 19 हजार 166 नवे रुग्ण आढळून आले आहेत तर 17 जणांचा मृत्यू झाला आहे. दिल्लीतील ऍक्टीव्ह रुग्णांची संख्या 65 हजारांच्या पुढे गेली आहे.