Pencil Peel : पालकांनो सावधान! पेन्सिलीच्या शिसानं घेतला सहा वर्षीय चिमुरडीचा बळी

Six Years Child Died Due To Pencile Peel : पेन्सिलचं शिस घशात अडकून एका सहा वर्षीय चिमुरडीचा मृत्यू झाल्याचा प्रकार समोर आला आहे.

हेही वाचा : सोंगी भजनाच्या माध्यमातून शांतारामबापूंनी घडवले दत्तदर्शन...

उत्तर प्रदेशातील हमीरपूर जिल्ह्यात ही घटना घडली आहे. पेन्सिलच शिस घशात अडकल्याने श्वास गुदमरून या मुलीचा मृत्यू झाला. विद्यार्थिनी तोंडात शार्पनर धरून पेन्सिल सोलत होती. त्यावेळी पेन्सिलचं शिस घशात अडकल्याने तिचा श्वास गुदमरला.

कोतवाली परिसरातील पहाडी वीर गावातील नंदकिशोर यांनी सांगितले की, बुधवारी संध्याकाळी त्यांचा मुलगा अभिषेक (१२) आणि मुली अंशिका (८) आणि अर्तिका (६) टेरेसवर अभ्यास करत होते. त्यावेळी अर्तिका तोंडात शार्पनर धरून पेन्सिल सोलत होती. त्यावेळी पेन्सिलचं शिस तिच्या घशात गेलं. यानंतर तिला त्रास होऊ लागल्याने तिला तातडीने रूग्णालयात नेण्यात आले. मात्र, डॉक्टरांनी अर्तिकाला मृत घोषित केले.

या घटनेनंतर परिसरात हळहळ व्यक्त केली जात असून, लहान मुलांना सामान्यतः कोणतीही गोष्ट उचलून तोंडात घालण्याची सवय असते, अशा परिस्थितीत पालकांनी सतर्क राहण्याची गरज असल्याचे या घटनेवरून अधोरेखित झाले असून, पालकांनी सतर्क राहिल्यास अशा प्रकारच्या घटना टाळता येऊ शकतात.