नूपुर शर्मावरील टिप्पणी मागे घ्यावी; सुप्रीम कोर्टात याचिका दाखल| Supreme Court | Sakal
sakal

बोलून बातमी शोधा

Petition filed Supreme Court Nupur Sharma remarks

नूपुर शर्मावरील टिप्पणी मागे घ्यावी; सुप्रीम कोर्टात याचिका दाखल

नवी दिल्ली : प्रेषित मोहम्मद यांच्यावर टिप्पणी करणाऱ्या नूपुर शर्मा (Nupur Sharma) यांना सर्वोच्च न्यायालयाने (Supreme Court) फटकारले आहे. कोर्टाने त्यांना टीव्हीवर देशाची माफी मागण्यास सांगितले. यामुळे सामाजिक कार्यकर्ते अजय गौतम यांनी सर्वोच्च न्यायालयात याचिका दाखल (Petition filed) केली आहे. सर्वोच्च न्यायालयाने सुनावणीदरम्यान नूपुर शर्मावर केलेली टिप्पणी मागे घेण्याची मागणी केली आहे.

तुमच्या वक्तव्यामुळे तुम्हाला धोका नसून देशाला धोका निर्माण झाला आहे, अशी टीका न्यायालयाने केली आहे. इतकेच नाही तर आज देशात जी परिस्थिती निर्माण झाली आहे व उदयपूरमध्ये घडलेल्या घटनेमागे तुमचे वक्तव्य आहे, असेही कोर्टाने म्हटले आहे. यानंतर ही याचिका दाखल (Petition filed) करण्यात आली आहे. तसेच सीजेआयला पाठवलेल्या याचिकेत नूपुर शर्मा (Nupur Sharma) यांच्या जिवाला यामुळे धोका असल्याचे म्हटले आहे.

हेही वाचा: भाजपमध्ये मर्द नाही का? काँग्रेस नेत्या रेणुका चौधरी यांचा प्रश्न

शुक्रवारी नूपुर शर्माच्या वतीने सर्वोच्च न्यायालयात (Supreme Court) याचिका दाखल करण्यात आली होती. ज्यामध्ये त्यांच्यावर देशाच्या विविध भागांत गुन्हे दाखल असल्याचे सांगितले. त्यांच्या जिवाला धोका असल्याने केस दिल्लीला वर्ग करण्यात यावे. मात्र, सर्वोच्च न्यायालयाने नाराजी व्यक्त करीत आधी उच्च न्यायालयात याचिका दाखल करायची असती, असे सांगितले.

आता सर्वोच्च न्यायालयात (Supreme Court) याचिका दाखल करण्यात आली आहे. नूपुर शर्मा प्रकरणावर सुनावणी करताना सर्वोच्च न्यायालयाने दिलेले निरीक्षण मागे घ्यावे, अशी मागणी सामाजिक कार्यकर्ते अजय गौतम यांनी केली आहे. नूपुर शर्माच्या जिवाला धोका असल्याचा युक्तिवाद याचिकेत केला आहे. त्यांना न्याय चाचणीची संधी मिळाली पाहिजे.

Web Title: Petition Filed Supreme Court Nupur Sharma Remarks

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..