PM Modi Pune Visit : टिळक पगडी, उपरणे अन्.. पंतप्रधान मोदींना टिळक पुरस्कारासोबत देण्यात आल्या या गोष्टी

PM Modi Pune Visit : पीएम मोदी यांना नुकताच पुण्यात लोकमान्य टिळक राष्ट्रीय पुरस्कार प्रदान करण्यात आला. लोकमान्य टिळक राष्ट्रीय पुरस्कर मोदींना देण्यामागचं मुख्य कारण असं की, लोकमान्य टिळकांनी जे स्वतंत्र, आधुनिक आणि बलाढ्य हिंदुस्थानाचे स्वप्न पाहिले होते ते सूत्र नरेंद्र मोदींच्या लोककल्याणकारी कामकाजातून दीपक टिळकांना दिसले. त्यातच आत्मनिर्भर भारत, मेक इन इंडिया, नवे तंत्रज्ञान, नवे शैक्षणिक धोरण त्यांच्या कार्यक्रमात आढळतात. असे लोकमान्य टिळकांचे पणतू दीपक टिळक यांचे म्हणणे आहे. त्यामुळे यंदाच्या लोकमान्य टिळक पुरस्काराचे मानकरी पीएम मोदी ठरले.

पीएम मोदींना पुरस्कारासह या खास गोष्टी प्रदान करण्यात आल्याॉ

पीएम मोदींना लोकमान्य टिळक राष्ट्रीय पुरस्कारासह शाल श्रीफळ, लोकमान्य टिळक वापरायचे अगदी तसंच एक उपरणं आणि भगवद्गीता गीता व लोकमान्य टिळकांची मूर्ती, केसरी वृत्तपत्राचा पहिला अंक असणारं खास सन्मानचिन्ह आणि रोख १ लाख रुपये पुरस्काराची रक्कम प्रदान करण्यात आली. (PM Modi Pune Visit)

पंतप्रधान मोदी यांनी लोकमान्य टिळक राष्ट्रीय पुरस्कारात मिळालेली १ लाखांची रक्कम नमामी गंगे योजनेसाठी देणार असल्याची घोषणा केलीय. पीएम मोदींचे याआधीही पुण्यात दोन दौरे होऊन गेलेत. लोकमान्य टिळक राष्ट्रीय पुरस्कार आणि पुण्यातील अन्य महत्वाच्या कामांचे उद्घाटन करण्याच्या निमित्ताने हा पीएम मोदींचा तीसरा पुणे दौरा होता.