PM मोदींच्या सुरक्षेत चूक कोणामुळे? सुप्रीम कोर्टात आज सुनावणी | Sakal
sakal

बोलून बातमी शोधा

PM Modi

मोदींना पंजाबचा दौरा अर्धवट सोडून परत दिल्लीला जावं लागलं होतं. याप्रकरणी सुप्रीम कोर्टात याचिका दाखल कऱण्यात आली असून आज सुनावणी होणार आहे.

PM मोदींच्या सुरक्षेत चूक कोणामुळे? सुप्रीम कोर्टात आज सुनावणी

दिल्ली - पंजाबच्या (Punjab) फिरोजपूरमध्ये (Firozpur) पंतप्रधान नरेंद्र मोदी (PM Narendra Modi) यांच्या सुरक्षेत त्रुटी राहिल्या होत्या. यामुळे मोदींना पंजाबचा दौरा अर्धवट सोडून परत दिल्लीला जावं लागलं होतं. याप्रकरणी सुप्रीम कोर्टात (Supreme Court) याचिका दाखल कऱण्यात आली असून आज सुनावणी होणार आहे. वरिष्ठ वकील मनिंदर सिंह यांनी न्यायालयाच्या देखरेखीखाली चौकशीची मागणी केली आहे. सरन्यायाधीश एनव्ही रमणा आणि न्यायाधीश सूर्यकांत, हेमा कोहली या तीन न्यायाधीशांच्या पीठासमोर याची सुनावणी होईल.

लॉयर्स व्हॉइस या संघटेच्यावतीने याचिका दाखल कऱण्यात आली असून यात म्हटलं आहे की, पंतप्रधानांची सुरक्षा भेदणं हा फक्त कायदा सुव्यवस्थेचा प्रश्न नाही, हा एसपीजी अधिनियमाच्या अंतर्गत येतो. पंतप्रधानांची सुरक्षा भेदली जाणे ही राज्य सरकारकडून जाणीवपूर्वक झालेली चूक होती. या चुकीसाठी पंजाब सरकारच्या अधिकाऱ्यांविरोधात कठोर कारवाई करायला हवी अशी मागणी याचिकेत करण्यात आली आहे.

हेही वाचा: ओमिक्रॉनचं संकट; आढावा बैठकीत मोदींनी दिल्या महत्त्वाच्या सूचना

वकील मनिंदर सिंह यांनी याआधी गुरुवारी मोदींच्या सुरक्षेतील त्रुटी ही गंभीर चूक असून सर्वोच्च न्यायालयात हे सांगत चौकशीची मागणी केली आहे. सर्वोच्च न्यायालयाने या याचिकेची एक प्रत पंजाब सरकारला देण्याचंही याचिकाकर्त्याला सांगितलं. मनिंदर सिंह यांनी म्हटलं होतं की, पंजाब सरकारकडून पंतप्रधान मोदींच्या ताफ्याला रस्त्यावर अडवू देणं ही गंभीर चूक आहे.

Web Title: Pm Modi Security Breach Firozpur Punjab Sc Hearing Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Narendra ModiIndia
go to top